Нэмэгдсэн өртгийн албан татварын буцаан олголт улирал улирлаар иргэдийн дансанд ордог. Тэгвэл энэ оны хоёрдугаар улирлын НӨАТ-ын буцаан олголт нь /2024.07.08/ өдрийг хүртэл бүртгүүлсэн баримт хамаарах юм.

Татварын ерөнхий газраас тодруулахад, нэгдүгээр улирлын нэмэгдсэн өртгийн албан татварын буцаан олголтыг наадмын дараагаар буюу долдугаар сарын 20-ноос өмнө иргэдийн дансанд шилжүүлнэ дуусгана гэв.

Тодруулбал, энэ долоо хоногт иргэдийн дансанд буцаан олголтын мөнгө орно. НӨАТ-ын буцаан олголт орох үеэр Сангийн яамнаас мэдээлнэ гэж татварын албанаас хэллээ.

СУГАЛААНЫ ТОХИРОЛ ӨЧИГДӨР БОЛСОН

Нэмэгдсэн өртгийн албан татвар (НӨАТ)-ын урамшууллын сугалааны тохирлын шууд нэвтрүүлэг өчигдөр (2024.07.17) шинэчлэгдсэн журмын дагуу ebarimt аппликэйшн болон Боловсрол суваг телевизээр орон даяар шууд явагдаж, супер азтан нэг тодорлоо. Супер азтан 5-30 сая төгрөгийн эзэн болж байгаа юм.

Энэ удаагийн тохиролд 2024 оны зургадугаар сарын 1-30-ны өдрийн хооронд худалдан авалт хийж, 2024 оны долдугаар сарын 16-ны өдрийн 23:59 цагаас өмнө НӨАТ-ын баримтаа цахим төлбөрийн системд бүртгүүлсэн 49 473 380 баримт хамрагджээ. Үүнээс дараах азтанууд тодорсон байна.

• 8 орон таарсан 1 азтан, 5-30 сая
• 7 орон таарсан 4 азтан, 500,000- 10 сая
• 6 орон таарсан 41 азтан, 100,000- 5 сая
• 5 орон таарсан 427 азтан, 60,000-500,000
• 4 орон таарсан 4455 азтан, 40,000-100,000
• 3 орон таарсан 44266 азтан, 30,000-60,000 төгрөг тус, тус хожжээ.