Тайваний Үндэсний батлан ​​хамгаалах яам (MND) мэдэгдэл хийж, арлын эргэн тойронд Хятадын цэргийн 20 нисэх онгоц, тэнгисийн цэргийн зургаан хөлөг онгоц харагдсан гэв. Тодруулбал, Хятадын цэргийн нисэх онгоц, хөлөг онгоцнууд Мягмар гаригийн өглөөний 06:00 цагаас Лхагва гаригийн 18:00 цагийн хооронд харагдсан байна. Хятадын Ардын чөлөөлөх армийн 20 нисэх онгоцны 13 нь Агаарын довтолгооноос хамгаалах бүсийн хойд,баруун өмнөд болон зүүн хэсэгт Тайваний хоолойн хилийн шугамыг давсан.

Тайвань хариу арга хэмжээ авч, нисэх онгоц, тэнгисийн цэргийн хөлөг онгоцнуудаа илгээж, эрэгт суурилсан пуужингийн системийг байршуулсан гэж “Taiwan News” мэдээлэв. Зөвхөн энэ сард гэхэд Хятадын цэргийн нисэх онгоц 388 удаа, тэнгисийн цэргийн хөлөг онгоц 119 удаа Тайваний хил дагуу харагдсан. Хятад улс 2020 оны есдүгээр сараас хойш Тайваний эргэн тойронд цэргийн нисэх онгоц, тэнгисийн цэргийн хөлөг онгоцны тоог нэмэгдүүлэх замаар саарал бүсийн тактикийн хэрэглээгээ нэмэгдүүлсэн гэж шинжээчид үзэж буй.

Эх сурвалж: MSM