ДУНДГОВЬ АЙМГААС 2024 ОНЫ I ЭЭЛЖЭЭР ТАТАГДСАН ДАЙЧИД ЦЭРГИЙН ТАНГАРГАА ӨРГӨЛӨӨ

Дундговь аймгийн Сайнцагаан, Дэрэн, Говь-Угтаал, Цагаандэлгэр, Баянжаргалан, Өндөршил, Өлзийт, Гурвансайхан сумдаас 2024 оны I дүгээр ээлжээр Хилийн цэргийн 0129 дүгээр ангид татагдсан дайчид энэ сарын 9-ний өдөр Монгол Улсын цэргийн тангараг өргөж, эр цэрэг боллоо.

Тангаргийн баярт аймгийн Засаг даргын Тамгын газрын Цэргийн штабын дарга, дэд хурандаа Ө.Баясгалан, сумдын Засаг даргын Тамгын газрын дарга нар, Эрдмийн далай сургуулийн “Соёмбо” тасаг, дайчдын ар гэрийн төлөөллүүд оролцож, аймгийн Засаг даргын мэндчилгээг хүргэв.

Мөн Тангаргийн баярын үйл ажиллагаанд Дундговь аймгийн Засаг даргын нэрэмжит Цэрэг- Спортын “Дөл” цогцолбор тэмцээний 2024 оны тэргүүн байрын шагналт Эрдмийн далай сургуулийн “Соёмбо” тасгийн “Гардан тулааны үзүүлэх тоглолт”-ыг үзүүлж сонирхуулсан юм.