Тайландын "Grand Hyatt Erawan" зочид буудлын өрөөнд гадаадын зургаан иргэн нас барсан байдалтай олдсон гэх дуудлага бүртгэгджээ. Тэдгээр хүмүүсийн цогцсыг буудлын үйлчлэгч олсон бөгөөд нас бараад 24 цаг болсон байсан гэж цагдаагийн алба мэдэгдэв. Нас барсан зургаан хүний нэг эмэгтэй нь 30-50 насны Вьетнам хүн байсан бол өөр хоёр хүн нь АНУ-ын иргэн байх магадлалтай.

Задлан шинжилгээнд оруулахад эдгээр зургаан цогцос дээр ил тод шарх байгаагүй ч цуснаас нь хордсон байх магадлалтайг олж тогтоосон. Хэргийн газрын үзлэг шинжилгээний дараа тухайн хүмүүсийн байрлаж байсан зочид буудлын өрөөний аяганаас цианид илэрсэн байна. Цианид нь маш хүчтэй хорт бодис бөгөөд нэг дусал нь хүн хөнөөх чадалтай.

Одоогийн байдлаар мөрдлөгө үргэлжилж байгаа бөгөөд дэлгэрэнгүй мэдээлэл гараагүй байна.

Эх сурвалж: NHK JAPAN