АНУ-ын "MIT" их сургуулийн судлаачид Хятадын хүлэмжийн хийг судалж, байгаль орчинд аюул заналхийлж буйг олж тогтоожээ. Тодруулбал, Хятадын хүлэмжийн хийн ялгаруулалт сүүлийн арван жилийн дотор 79 хувиар нэмэгдсэн байна. Перфтор нүүрстөрөгч гэж нэрлэгддэг эдгээр хий нь агаар мандалд дулааныг түгждэг. Мөн "CO2"-той харьцуулахад агаар мандалд илүү олон жил тэсвэртэй оршдог аж.

Тетрафторметан, гексафтороэтан зэрэг перфтор нүүрстөрөгчийг хавтгай хавтан, хагас дамжуулагч үйлдвэрлэхэд ашигладаг бөгөөд хөнгөн цагааны үйлдвэрлэлийн дайвар бүтээгдэхүүн юм. Судалгаанаас харахад 2020 он гэхэд Хятадын хүлэмжийн хэмжээ 64-66 хувьтай байжээ. Перфтор нүүрстөрөгчийн ялгаруулалт нэмэгдэж байгаа нь уур амьсгалын өөрчлөлтөд хүчтэй нөлөөлж буйг судлаачид олж тогтоосон байна.

Судалгаанд дурдсанаар, Хятад улс тетрафторметан, гексафтороэтан гэсэн хоёр хүчтэй хүлэмжийн хий ялгаруулахад гол хувь нэмэр оруулдаг улс болсныг тогтоожээ. Эдгээр хий нь Хятадын хүн ам багатай баруун бүс нутгийн аж үйлдвэрийн бүс нутгаас буюу хөнгөн цагааны үйлдвэрээс ихэвчлэн ялгардаг. Хятад бол хөнгөн цагааны үйлдвэрлэл, экспортын хамгийн том орон. Хятадын хөнгөн цагаан, хагас дамжуулагчийн аж үйлдвэрийн хурдацтай өсөлт нь эдгээр хийн ялгаруулалтыг нэмэгдүүлэхэд хүргэсэн бөгөөд энэ нь 2030 он гэхэд нүүрстөрөгчийн ялгаруулалтыг дээд цэгт нь хүргэж, 2060 он гэхэд нүүрстөрөгчийн хэмжээг багасгах гэсэн засгийн газрын бодлогод сөргөөр нөлөөлж болзошгүй.

Эх сурвалж: GUARDIAN