Хойд Солонгосын удирдагч Ким Жон Ун нэгэн сайдыг албан тушаалаас нь түдгэлзүүлжээ. Мөн тухайн сайдын хариуцаж байсан аялал жуулчлалын байгууламжийн төсөлд мөрдөн байцаалт явуулах тушаал өгсөн байна.
Тодруулбал, Ким Жон Ун өнгөрсөн долоо хоногийн Пүрэв, Баасан гаригт хойд нутгийн Самжиён хотын аялал, жуулчлалын талбар дээр шалгалт хийжээ. Гэвч хариуцан авсан албан тушаалтнууд шинээр баригдаж буй зочид буудлыг хэтэрхий хоцрогдсог загвартай хийсэн гэж Ким Жон Ун үзсэн. Мөн энэ нь эдийн засагт хохирол учруулж байна гэж хэлжээ.

Төрийн барилгын хяналтын сайд Ри Сун Чол аялал, жуулчлалын шинэ бүтээн байгууламжийг хариуцан авсан байсан. Гэвч өнгөрсөн арванхоёрдугаар сараас хойш тухайн төслийн газарт ирээгүй бөгөөд төрийн албан хаагчийн энгийн ёс суртахуун, мэдлэг дутуу байдлаасаа болж хайнга хандаж байна гэж Ким Жон Ун түүнийг буруутгасан байна. Шинэ бүтээн байгуулалт нь хувьсгалын ариун нутаг гэж нэрлэдэг Пэкту уулын бэлд байрладаг. Тус бүсийг хөгжүүлэх нь Кимийн хамгийн чухал зорилго байсан бөгөөд эдийн засгаа сэргээх, гадаад валют олоход тус дөхөм үзүүлэх зорилготой байжээ.

Эх сурвалж: YONHAP