АНУ-ын ерөнхийлөгч Жо Байден Пүрэв гаригт болсон хэвлэлийн бага хурлын үеэр Украины ерөнхийлөгч Владимир Зеленскийг “ерөнхийлөгч Путин” гэж андуурчээ. Энэ жил 81 настай Байденг АНУ-ын ерөнхийлөгчийн сонгууль өрсөлдүүлэхгүй байх уриалга улам бүр нэмэгдсээр байгаа тул Зелкнскийн нэрийг андуурсан явдал нь шүүмжлэлийг улам нэмэгдүүлэв. Байден Вашингтонд “NATO"-гийн дээд хэмжээний уулзалт өндөрлөсний дараа хэвлэлийн бага хурал дээр үг хэлж байхдаа. "Путины утгагүй харгис дайны эсрэг бид нэгдмэл байна. Бид Украинтай нэгдлээ" гэжээ. Дараа нь тэрбээр Зеленскийг танилцуулж, "Одоо би зоригтой, шийдэмгий байдлаа Украины ерөнхийлөгчид хүлээлгэж өгөхийг хүсч байна. Ноёд хатагтай нар аа, ерөнхийлөгч Путин" гэж Зеленскийн нэрийг андуурчээ.

Байден алдаагаа засч, "Би Путиныг ялахад маш их анхаарал хандуулсандаа нэрийг нь буруу хэлсэн байна" гэж тайлбарласан байна. Түүнчлэн,  Байден дахин нэг алдаа гаргаж дэд ерөнхийлөгч Харрисыг өрсөлдөг Трампийн нэрээр дуудсан аж. Сэтгүүлчид Байденаас дэд ерөнхийлөгч Камала Харрисыг ерөнхийлөгчөөр ажиллах чадвартай гэдэгт итгэлтэй байгаа эсэхийг асуухад тус алдааг гаргаж, нэг өдөрт хоёр удаа хүмүүчийн нэрийг андуурчээ. Байден "Хараач, хэрвээ тэр ерөнхийлөгчийн шаардлага хангаагүй бол би Дэд ерөнхийлөгч Трампийг дэд ерөнхийлөгчөөр сонгохгүй байсан" гэж хэлсэн юм.  Трамп өрсөлдөгч Байдены бичлэгийг олон нийтийн мэдээллийн хэрэгслээр цацаж, “Гайхалтай ажил байна, Жо!" гэж тохуурхсан байна.

Эх сурвалж:NHK