Цагаан ордны төлөөх өрсөлдөөн үргэлжилж буй энэ үед "NATO"-ийн гишүүн орны удирдагч нар Вашингтон хотноо дээд хэмжээний уулзалт хийгээд, өндөрлөж буй. АНУ-ын одоогийн ерөнхийлөгч Жо Байден тухайн уулзалтад оролцож, Украинд нэмэлт тусламж илгээх саналыг дэвшүүлснээр, амжилттай зөвшөөрөгдсөн. Тэгвэл Дональд Трамп сонгуульд ялалт байгуулбал "NATO" эзлэх байр суурь нь хэрхэх талаар хүмүүс таамаг дэвшүүлээд байна.

Трамп эвслийн орнуудад батлан хамгаалах салбартаа илүү их хөрөнгө оруулахыг уриалж ирсэн. Тэр ч байтугай хангалттай хөрөнгө зарж чадахгүй байгаа гишүүн орнуудыг АНУ хамгаалахгүй гэж сүрдүүлж байв. Трамп энэ удаагийн сонгуулийн кампанит ажлынхаа хүрээнд "NATO"-ийн зорилго, бодлогыг үнэлж ирсэн гэдгээ мэдэгдэж, өнөө цагийн барууны гол дайсан нь Орос биш, залхуу гишүүн орнууд гэж мэдэгджээ.

Орос 2022 онд Украинд түрэмгийлснээс хойш эвслийн орнууд үндэсний батлан хамгаалах салбартаа илүү их хөрөнгө оруулж эхэлсэн. Нийт 32 муж улсын 23 нь энэ онд батоан хамгаалах төсвөө ДНБ-хээ хоёр хувьд хүргэх зорилт тавьсан юм. Үүнийг АНУ-д суугаа Германы элчин асан Эмили Хабер хэлэхдээ,Трамп хөрөнгө босгох асуудлыг ерөнхийлөгч болсон үедээ дахин хөндөх болно гэжээ.

Трампийн хувьд дайн эхэлснээс хойш хангалттай хөрөнгө зарж чаддаггүй орноор Герман тодорсон. Германы хувьд Трампийн үзэл бодлыг няцааж, өнгөрсөн тавдугаар сард Оросыг дайснаа гэж бодох Литвад цэргийн томоохон сургалт зохион байгуулсан аж. Мөн ирэх жилээс эхлэн Литвад 5,000 орчим цэрэгтэй хуаран байгуулахаар төлөвлөж байна. Энэ нь дэлхийн хоёрдугаар дайнаас хойш хилийн гадна байрлуулсан анхны цэргийн анги байх болно гэж Эмили Хабер мэдээлэв.

Трампийн засаг захиргааны үед Европын холбоонд суугаа АНУ-ын Элчин сайдаар ажиллаж байсан Гордон Сондланд "Хэрвээ Трамп дахин сонгогдвол илүү ихийг шаардах болно. Европын холбоотнууд өөрсдийн цэргийн нөөцийг бий болгох бол Трамп Хятад, Хойд Солонгос, Иранд анхаарлаа төвлөрүүлэхийг хүсч байна" гэжээ.

Эх сурвалж: CNN