НЭМЭЛТ: 

Монгол Улсын Ерөнхийлөгч Ухнаагийн Хүрэлсүх Тулгар төрийн 2233 жил, Их Монгол Улс байгуулагдсаны 818 жил, Үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ой, Үндэсний их баяр наадмаар азарга, их нас, соёолон, хязаалан, шүдлэн, даага насны хурдан морины уралдаанд унасан хүлгээ түрүү магнай, аман хүзүүнд хурдлуулж, айрагдуулсан унаач хүүхдүүдэд гарын бэлэг гардуулж амжилт хүсэн ерөөлөө.

Хээр даага түрүүллээ

НЭМЭЛТ: 

Үндэсний их баяр наадамд 200 гаруй даага шандас сорьсноос Төв аймгийн Бүрэн сумын уугуул Монгол Улсын манлай уяач Х.Улам-Өрнөхийн хээр түрүүлж, хоёрт Сэлэнгэ аймгийн харьяат уяач Б.Одсүрэнгийн хээр, гуравт Хөвсгөл аймгийн Бүрэнтогтох сумын харяат Ж.Намнанпэлжирийн хээр хурдлав. Харин айргийн дөрөвт Баянхонгор аймгийн харьяат уяач Гантулгын халтар, тавд бор морь хурдалж, төрийн торгон жолоо өргөх боллоо.

Булган аймгийн уяач Х.Бөхбатын хүрэн үрээ түрүүллээ

НЭМЭЛТ: 

Үндэсний их баяр наадмын соёолонгийн уралдаанд 151 хурдан буян тоосоо өргөснөөс Булган аймгийн Сэлэнгэ сумын уяач Х.Бөхбатын хүрэн үрээ түрүүлж, уясан эзэн, унасан хүүхэд, наадамчин олноо баясгалаа.

Хоёрт Л.Анхбаатарын хул үрээ, гуравт, "Шунхлай" группын ерөнхийлөгч П.Батсайханы үрээ хурдаллаа. Айргийн дөрөвт Говь-Алтай аймгийн харьяат Улсын алдарт уяач Н.Зоригтын загал,  тавд Сүхбаатар аймгийн харьяат, Монгол Улсын алдарт уяач У.Тамирын халтар үрээ хурдалж, улсынхаа их баяр наадамд цолоо дуудуулах боллоо.

217 хурдан буян соёолон насанд тоосоо өргөхөөр бүртгүүлжээ

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын хурдан соёолонгийн уралдаанд 217 соёолон тоосоо өргөхөөр бүртгүүлжээ. Онцолход, өнгөрсөн жилийн наадамд айргийн тавд хурдалсан хүлгүүд өнөө жилийн соёолонгийн уралдаанд тоосоо өргөж буй аж.