Францын ерөнхийлөгч Эммануэль Макрон "Өнгөрсөн ням гаригт болсон парламентын сонгуульд аль ч нам олонхи болж чадаагүй тул шинэ ерөнхий сайдаа томилохоос өмнө Үндэсний ассемблэйд Бүгд найрамдах олонхи байгуулахыг хүсч байна" гэж Лхагва гаригт мэдэгдэв.

Янз бүрийн намуудын улс төрийн удирдагчид өөрсдийгөө улс төрийн үймээн самууныг даван туулах цорын ганц шийдэл гэж бодож байгаа тул Макрон эдгээр улс төрчдийг нэгтгэхийг хүсчээ. Тэрбээр “Бүгд найрамдах улсын институци, хууль дээдлэх ёс, парламентын хэм хэмжээ, чиг баримжаа, Францын тусгаар тогтнолыг хамгаалах зарчмуудыг баримталдаг намуудыг харилцан буулт хийхийг хүсч байна" гэж мэдэгдэлдээ онцолсо байна. Мөн "Эдгээр зарчмын үүднээс би ерөнхий сайдыг томилох эсэхээ шийднэ. Тэр болтол одоогийн Засгийн газар үүргээ биелүүлж, цаг үеийн асуудлыг хариуцах болно” гэжээ.

Өнгөрсөн долоо хоногийн Ням гаригийн сонгуулиар зүүний үзэлт “Шинэ Ардын Фронт” эвсэл бусад бүлгүүдээс илүү олон суудал авч, хэт барууны үзэлт “Үндэсний ралли”-г гуравдугаар байр руу түлхэв. Макроны төв үзэлтнүүдийн холбоо хоёрдугаарт жагссан. Үр дүн нь Францад парламентыг ганхуулж,  улс төрийн зогсонги байдалд оруулах урьд өмнө хэзээ ч байгаагүй хэтийн төлөвийг бий болгосон гэж шинжээчид дүгнээд буй.

Эх сурвалж: ASSOCIATED PRESS