Пап лам Францис Италийн зүүн хойд хэсэгт орших Триест хотод богино хугацаанд айлчлах үеэрээ ардчиллын байдлыг шүүмжилж, "популист, хэт барууны үзэл"-ээс сэрэмжлүүлэв. Ромын католик сүмийн жил бүр зохион байгуулдаг нийгмийн асуудлаарх хурал дээр Францис үг хэлэхдээ ,"Олон хүн ардчиллаас арчигдсан мэт мэдрэмж авч, ядуу, сул дорой хүмүүс өөрсдийгөө хамгаалахаас өөр аргагүй болж байна" гэжээ.

Мөн "Өнөөгийн ертөнцөд ардчилал зөв биш байгаа нь илт байна" хэмээн туйлширсан намын үзлийг буруутгасан байна.

Өнгөрсөн сард болсон Европын парламентын сонгуулийн өмнө хэд хэдэн орны католик шашны хамба лам нар Итали, Унгар, Нидерланд зэрэг орнуудад хэт барууны намууд засгийн эрхийг аль хэдийн атгаж, популизм, үндсэрхэг үзлийг өдөөж байна гэж мэдэгдэж байжээ.

Популист намууд Европын холбооны сонгуульд ялалт байгуулснаас хойш нэг сарын дараа Францад хэт барууны үзэл баримтлалтай Үндэсний ралли (RN) хамгийн их санал авах төлөвтэй байна. Францын парламентын хоёр дахь шатны сонгууль болох өдөр Ромын пап энэхүү мэдэгдлээ хийжээ. Үндэсний ралли намын хувьд цагаачдыг бууруулж, зөвхөн төрөлх франчуудыг урамшуулж, тэтгэнэ хэмээн амлаж буй.

Францис хүмүүсийг ядууруулж буй туйлшралаас холдож, өөрийгөө илэрхийлэх эрх мэдэлтэй байхыг уриалав.

Ватиканд үнэмлэхүй хаант засаглалтай Пап лам хүүхдүүдэд ардчиллын үнэт зүйлсийн ач холбогдлыг ойлгуулах нь бас чухал гэж хэлсэн байна. Тэрбээр хайхрамжгүй байх нь ардчиллын хорт хавдар гэж анхааруулжээ.

Эх сурвалж: ALJAZEERA