Францын хэт барууны үзэлт “Үндэсний ралли” нам болон түүний холбоотнууд парламентын сонгуулийн хоёр дахь шатны санал хураалтаар хамгийн олон дэмжлэгийг авах төлөвтэй байна. Өнгөрсөн долоо хоногт Үндэсний ассамблейн доод танхимын төлөөх эхний шатны санал хураалтаар “Үндэсний ралли” холбоо нийт сонгогчдын 30 гаруй хувийн санал авчээ. Харин зүүний эвсэл “Шинэ ардын фронт” хоёрдугаар байрт орсон байна. Ерөнхийлөгч Эммануэль Макроны тэргүүлдэг эрх баригч төв эвсэл гуравдугаар байрт оржээ. Ээлжит бус сонгуулийг өнгөрсөн сард Макрон зарласан юм.

Эхний шатны санал хураалтад ялагч тодроогүй 577 тойргийн 501-д нь дахин санал хураалт явуулахаар болжээ. Эрх баригч эвсэл болон Ардын шинэ фронт хэт барууны хүчний эсрэг хамтран ажиллаж байна. Тэд өөрсдийн хамтран гаргасан нэр дэвшигчдийг дэмжиж буй. “Ipsos” фирм судалгааны байгууллагын таамаглаж буйгаар,  Үндэсний ралли холбоо 175-205 суудлын хооронд ялах магадлалтай гэжээ. Шинэ ардын фронт 145-175 суудал авна гэж үзэж байгаа бол эрх баригч нам 118-148 суудал авна гэж тооцоолж байна.

Зүүн жигүүрийн “Шинэ ардын фронт” болон төвийг баримтлагч эрх баригч бүлэг өнгөрсөн долоо хоногт өөрсдийгөө ялна гэж төсөөлж байсан. Гэхдээ хэт барууны эвслийнхэн хоёрдох шатны сонгуульд мөн адил суудлын тоогоор илүү байх магадлалтай байна.  Эхний шатны сонгуулийн ирц 66.7 хувьтай байсан. Энэ нь өмнөх сонгуулиас 19 хувиар өссөн үзүүлэлт юм. Хоёр дахь шатны сонгуулийн ирц ойролцоогоор ижил байх төлөвтэй байна. Санал авах байрууд Ням гаригийн 08.00 цагт нээгдэж, өдрийн цагаар санал тоолох ажил эхэлнэ.

Эх сурвалж: NHL