Украин дахь дайныг зогсоох түлхүүр Хятадад байж магадгүй гэж Финландын ерөнхийлөгч Александр Стубб Мягмар гаригт ярилцлага өгөхдөө хэлжээ.

Тодруулбал, тэрбээр "Хятадын ОХУ-д үзүүлэх нөлөө нь Азийн аварга гүрэнд Кремль хэт найдаж буйгаас үүдэлтэй. Ши Жиньпинээс ганцхан дуудлага ирэхэд  хямрал шийдэгдэхүйц тийм хэмжээнд ОХУ Хятадаас хамааралтай байна. Энхийн хэлэлцээрийг эхлүүлэх цаг нь боллоо гэж Ши Жиньпин хэлэх юм бол ОХУ үүнийг хийхээс өөр аргагүй болно. Тэдэнд өөр сонголт байхгүй. Украины дайныг энхийн замаар шийдвэрлэх нь Хятадын ашиг сонирхолд нийцнэ. Хятад үнэхээр улс үндэстнүүдийн хоорондын эв найрамдлыг хүсч байгаа бол ОХУ зэрэг улсыг эзэнт гүрэн, тусгаар тогтносон үндэстний эсрэг түрэмгийлж, колончлолын дайн явуулахыг зөвшөөрөхгүй. Ингэх нь зөв. Энэ нь Хятадын манлайллыг ч харуулах болно" гэжээ.

Хятад улс Украинд энх тайван тогтоохыг хэдийнэ уриалсан билээ. Путин тавдугаар сард Бээжинд айлчлахад Хятад улс Орос, Украины оролцоотой олон улсын энхийн бага хурал хийхийг хүсч байгааг Ши Жиньпин дарга онцолсон. Швейцарьт болсон Украины энх тайвны бага хуралд Оросыг уриагүй учраас Хятад оролцоогүй.

Эндээс харвал Хятад улс Орос, Украины аль аль нь оролцсон энхийн бага хурлыг хүсч байна. Хятадын Гадаад хэргийн яамны хэвлэлийн төлөөлөгч Мао Нин "Олон улсын энх тайвны бага хуралд Орос, Украины аль аль нь оролцож, талуудын тэгш оролцоотойгоор дэмжиж, саналыг шударга, тэгш байдлаар хэлэлцэх ёстой гэж Хятад үзэж байна" гэжээ.

Эх сурвалж: BUSINESS INSIDER