Үер, ус борооны өмнөх нөөлөг салхины аюулаас сэрэмжтэй байхыг Ус, цаг уур орчны шинжилгээний газраас анхаарууллаа.

Цаг уурын байгууллагын урьдчилсан мэдээллээр долоодугаар сарын 3-4-нд нутгийн баруун хагаст, 5-нд нутгийн төв хэсгээр, 6-нд нутгийн зүүн өмнөд хэсгээр, дуу цахилгаантай аадар бороо орох төлөвтэй байгаа ажээ. Тиймээс үер, ус, мөндөр, борооны өмнөх нөөлөг салхины аюулаас сэрэмжтэй байхыг анхааруулж байна.

Мөн аялал зугаалгын цаг ирж, иргэд хөдөө орон нутгийг зорих хөдөлгөөн нэмэгддэг. Энэ үед мэргэжлийн байгууллагын мэдээг тухай бүрд авч өөрийгөө болон гэр бүлээ учирч болох эрсдлээс урьдчилан сэргийлэхийг сануулж байна.

-Хол, ойрын замд гарахдаа цаг агаарын урьдчилан сэргийлэх мэдээллийг тухай бүрд хүлээн авах

-Мэргэжлийн байгууллагаас өгч байгаа заавар, зөвлөмжийг дагаж баталгаат зам, гүүрээр зорчих

 -Гол, усны ойролцоо амарч зугаалахдаа аюулгүй байдлаа хангах, үер, усны ослоос урьдчилан сэргийлэх

-Өрхийн болон хувийн бэлтгэл бэлэн байдлаа хангах, дулаан хувцаслах,

-Бага насны хүүхэд, өндөр настан, хөгжлийн бэрхшээлтэй иргэдийг гол, усны ойролцоо үлдээхгүй байх зэргээр урьдчилан сэргийлэх арга хэмжээ авахыг мэргэжлийн байгууллагаас анхааруулж байна.