Реппер Канье Уэст Ням гаригт Москвад очжээ. Тэрбээр өмнө нь ОХУ-ын ерөнхийлөгч Путиныг магтаж байсан удаатай. Цахим сүлжээ дэх бичлэгүүдийг харахад Канье Уэст дээд зэрэглэлийн "Gum" худалдааны төвөөр дэлгүүр хэсч, Улаан талбай сонирхжээ. Түүнийг Москвад тоглолт хийхээр бус Оросын загвар зохион бүтээгч Гоша Рубчинскийн 40 насны төрсөн өдөрт ирсэн гэж таамаглаж байна.

Тэрбээр Москва хотын төвд Кремлийн дэргэд байрлах "Four Seasons" зочид буудалд байрлажээ. Тус зочид буудлын ерөнхийлөгчийн люкс өрөө нь 10 мянган фунт стерлингийн үнэтэй бөгөөд 212 м2 талбайтай.

Украин дахь дайн эхэлсний дараа барууны ихэнх алдартан ОХУ-аас харилцаагаа тасалсан. Канье Уэстийн хувьд энэ тал дээр эсэргүү нэгэн. Тэрбээр 2022 онд Адольф Гитлерийг магтсаныхаа төлөө "Адидас" брэндтэй гэрээгээ цуцлахад хүрсэн. Мөн тэрбээр Дональд Трампийг дэмжигч.

Оросын цахим сүлжээгээр Канье Уэстийн бичлэгүүд түгж, өөр өөрсдийн хотдоо ирж тоглолт хийгээч гэж хүмүүс хүсчээ. Түүнийг ирэхээс өмнө Кэнье Уэст Москвад тоглоно гэсэн цуу яриа хэдийнэ гараад байсан ч үгүй бололтой.

Эх сурвалж: THE TELEGRAPH