Бэрил хар салхи Карибын тэнгисийн зүүн өмнөд хэсэгт орших Виндвард арлуудад ойртож байна гэж Хар салхины үндэсний төв мэдэгдлээ. Бэрил хар салхи нь дөрөвдүгээр зэрэглэлийн буюу онц ноцтой шуурга юм. Атлантын далайн улирлын анхны томоохон хар салхи нь Виндвард арлуудад Ням гаригийн шөнө. эс бөгөөс Даваа гаригт хүрэх тул иргэдийг аюулгүй байдлаа бүрэн хангахыг анхааруулжээ.

Барбадос, Сент-Люсиа, Гренада, Сент-Винсент болон Гренадин, Тобагод зэрэг газруудад хар салхины анхааруулга хүргэсэн. Харин Мартиник, Доминика, Тринидад зэрэг арлуудад халуун орны шуурганы сэрэмжлүүлэг өгчээ. Майамид төвтэй хар салхины үндэсний төвийн анхааруулснаар, Виндвард арлуудын хувьд маш ноцтой, аюултай нөхцөл байдал үүснэ гэв. Мөн Берил нь амь насанд аюултай гэж тус төв мэдээлжээ. Тиймээс ойрын өдрүүдэд Виндвард арлууд руу зорихгүй байхыг анхааруулсан аж. Берил хар салхи бий болоход ердөө 42 цаг шаардлагатай бөгөөд энэ нь Атлантын далайн хар салхины түүхэнд зургаахан удаа тохиож байжээ.

Эх сурвалж: CBSNews