Ньюс агентлаг өнөөдөр /2024.07.01/ даваа гаригт болох зарим үйл явдлыг тоймлон хүргэж байна.
08:30 цагт:
- “Монголчуудын бичгийн соёл: Чингисийн чулууны бичиг-800, Цогтын хадны бичиг-400” олон улсын эрдэм шинжилгээний хурал “Чингис хаан” музейд болно.
09:30 цагт:
- Кино урлагийн зөвлөл "Австрали улсын кино урлагийн салбарын туршлага” сэдвээр оюуны өмчийн болон зохиогчийн эрхийн сургалт уулзалт ГХЯ-нд зохион байгуулна.
09:00 цагт:
- “Зариг” сайтын эрхлэгч, сэтгүүлч Н.Өнөрцэцэгт холбогдох шүүх хурал СБД-ийн шүүхэд болно.
10:00 цагт:
- БГД-ийн Эрүүгийн хэргийн анхан шатны шүүхэд дүүргийн Эрүүл мэндийн төвийн хүүхдийн эмч Бадамжав, Бадамсүрэн нарт холбогдох хэргийн шүүх хурал болно.
11:00 цагт:
- Франц, Швейцар зэрэг Европын алдарт музейнүүдээс ирсэн үзмэрүүд болох "Чингис хаан: Монголчууд дэлхийг өөрчилсөн нь" олон улсын үзэсгэлэнгийн талаар “Чингис хаан” музейд мэдээлнэ.
11:30 цагт:
- УИХ-ын сонгуулиар МАН-аас явуулсан үйл ажиллагааны талаар Иргэдийн Оролцооны Нэгдэл намаас “Зууны мэдээ” мэдээллийн төвд мэдээлэл хийнэ.
12:00 цагт:
- СЕХ-ноос УИХ-ын 2024 оны ээлжит сонгуулийн дүнг Монгол Улсын Ерөнхийлөгчид өргөн мэдүүлнэ. Үүний дараа Төрийн ордонд нэр дэвшигчдэд УИХ-ын гишүүний үнэмлэх олгоно.
