Перугийн өмнөд эргийн ойролцоо Баасан гаригт 7.2 магнитудын хүчтэй газар хөдөлжээ. Газар хөдлөлт нийслэл Лимагаас өмнө зүгт зүгт 600 км-ийн зайд орших Атикипа хотоос баруун тийш найман км зайд, 28 км гүнд болсон. Албаныхны мэдээлснээр нас баралт бүртгэгдээгүй бөгөөд дор хаяж найман хүн гэмтэж бэртжээ. Засгийн газар өдгөө нөхцөл байдалд хяналт тавьж, болзошгүй хохирлыг үнэлж байна.

Газар хөдлөлт нийслэл Лимад хүртэл мэдрэгдсэн. Мөн Атикипа, Каравели зэрэг ойролцоох хотод хүчтэй чичиргээ мэдрэгдсэн байна.

Номхон далайн Цунамийн сэрэмжлүүлгийн төв Перугийн зарим эрэг дагуу цунами 1-3 метрийн өндөрт хүрч болзошгүй гэх сэрэмжлүүлэгийг анх гаргажээ. Гэвч дараа нь үүнийгээ цуцалсан байна.

Перу болон Өмнөд Америкийн Номхон далайн эргийн ихэнх хэсэг нь хоёр тектоник хавтангийн зааг дээр оршдог.

Эх сурвалж: CNN