УИХ-ын ес дэх удаагийн сонгуулийн дүн урьдчилсан байдлаар өчигдөр /2024.06.28/ гарсан. Монгол Улсын Их Хурлын 2024 оны ээлжит сонгуулийн санал авах ажиллагаа дууссаны дараа бүх хэсэгт саналын хуудсыг 100 хувь гараар нэг бүрчлэн тоолж, баталгаажуулах юм. Одоогоор хяналтын тооллого дуусаагүй байгаа бөгөөд урьдчилсан дүнгээр "өвдөг шороодсон" УИХ-ын гишүүдийн нэрсийг танилцуулъя.

1-р тойрог: АРХАНГАЙ, ӨВӨРХАНГАЙ, БАЯНХОНГОР

Энэ тойргоос УИХ-ын дарга Г.Занданшатар тэргүүтэй МАН болон АН-ын туршлагатай улстөрчид иргэдийн итгэлийг хүлээж, сонгогдож чадсангүй. Тодруулбал, УИХ дахь МАН-ын бүлгийн дарга Д.Тогтохсүрэн, Эрүүл мэндийн сайд С.Чинзориг, Батлан хамгаалахын сайд Г.Сайханбаяр, УИХ-ын гишүүн Г.Ганболд, Эрүүл мэндийн сайд асан А.Цогцэцэг, УИХ-ын гишүүн А.Адъяасүрэн нар багтаж байна.

2-тойрог: ГОВЬ-АЛТАЙ, ЗАВХАН, УВС, ХОВД

Энэ тойргоос УИХ-ын гишүүн Ц.Цэрэнпунцаг, УИХ-ын гишүүн Ш.Адъшаа, УИХ-ын гишүүн Б.Баярсайхан, Эдийн засаг, хөгжлийн сайд Ч.Хүрэлбаатар, Эрүүл мэндийн дэд сайд С.Энхболд, УИХ-ын гишүүн асан З.Нарантуяа, УИХ-ын гишүүн асан С.Жавхлан нар тойргийнхоо сонгогчдыг төлөөлж, дахин сонгогдож чадсангүй.

4-р тойрог: ОРХОН, БУЛГАН, ХӨВСГӨЛ

Нийт найман мандаттай энэ тойрогт өвдөг шороодсон улстөрчдөөс УИХ-ын гишүүн асан Л.Гүндалай, Ж.Батзандан нар багтаж байна.

5-р тойрог: ТӨВ, ДАРХАН-УУЛ, СЭЛЭНГЭ

Энэ тойрогт МАН-аас нэр дэвшсэн УИХ-ын гишүүн Д.Өнөрболор, Зам тээврийн дэд сайд асан Б.Цогтгэрэл, УИХ-ын гишүүн асан А.Сүхбат нар улиран сонгогдож чадсангүй.

6-р тойрог: ХЭНТИЙ, СҮХБААТАР, ДОРНОД

Энэ тойргоос нэр дэвшсэн УИХ-ын гишүүн П.Анужин, УИХ-ын гишүүн Н.Ганибал нар урьдчилсан дүнгээр хамгийн олон санал авч чадсангүй.

7-р тойрог: ДОРНОГОВЬ, ГОВЬСҮМБЭР, ӨМНӨГОВЬ, ДОРНОГОВЬ

Харин энэ тойргоос нэр дэвшсэн УИХ-ын гишүүн Т.Энхтүвшин, УИХ-ын гишүүн Б.Саранчимэг, УИХ-ын гишүүн Г.Мөнхцэцэг нар улиран сонгогдож чадаагүй байна.

8-р тойрог: БАЯНЗҮРХ ДҮҮРЭГ

Энэ тойрогт нийслэлийн АН-ын дарга Т.Батцогт, АН-ын дэд дарга Ц.Жадамба, Баянзүрх дүүргийн Засаг дарга Н.Баярмөнх, НИТХ-ын гишүүн М.Тулгат нар сонгогдож чадсангүй.

9-р тойрог: БАЯНГОЛ ДҮҮРЭГ

Энэ тойрогт Ардчилсан намын дарга асан С.Эрдэнэ тойрогтоо хоёр дахь удаагаа нэр дэвшсэн хэдий ч сонгогдож чадсангүй.

10-Р ТОЙРОГ: СҮХБААТАР, ЧИНГЭЛТЭЙ

Энэ тойрогт нэр дэвшсэн УИХ-ын гишүүн М.Оюунчимэг энэ удаа улиран сонгогдож чадсангүй. Мөн энэ тойрогт УИХ-ын гишүүн асан О.Баасанхүү, Бүгд найрамдах намын дарга Б.Жаргалсайхан, Ардчилсан намын дэд дарга Ч.Өнөрбаяр болон И.Мөнхжаргал,  АН-ын гишүүн Д.Бадарсан болон МАН-аас нэр дэвшсэн Г.Дашням нар урьдчилсан байдлаар сонгогдож чадсангүй.

11-р тойрог: СОНГИНОХАЙРХАН ДҮҮРЭГ

Энэ тойрогт Эрүүл мэндийн сайд асан Н.Хүрэлбаатар болон АН-ын гишүүн П.Галиндэв, Ц.Уянга, Н.Амаржин нар олон санал авч чадсангүй.

12-р тойрог: ХАН-УУЛ ДҮҮРЭГ

Гурван мандаттай тус тойрогт философич С.Молор-Эрдэнэ, УИХ-ын гишүүн асан Ц.Оюунгэрэл, МҮОНРТ-ийн гүйцэтгэх захирал асан Л.Нинжжамц өрсөлдөж, сонгогдож чадсангүй.

13-р тойрог: БАГАНУУР, БАГАХАНГАЙ, НАЛАЙХ

Нийт хоёр мандаттай энэ тойрогт нэр дэвшигчдээс Шадар сайд С.Амарсайхан, УИХ-ын гишүүн Ц.Сандаг-Очир нарыг хамгийн олон санал авч, тэргүүлж байна.