Цаг уурын байгууллагын ирүүлсэн мэдээгээр өнөөдөр /2024.06.28/ баруун болон говийн аймгуудын нутгийн зарим газар, төв болон зүүн аймгуудын ихэнх нутгаар бороо, дуу цахилгаантай аадар бороо орно. Салхи нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, борооны өмнө түр зуур ширүүснэ.

Яг одоо 10:30 цагийн байдлаар бороо орж байгаа нийслэл, аймаг, сумдын мэдээлэл байхгүй. Ихэнх нутгаар цаг агаар тогтуун, дулаан байна.

Өнгөрсөн хоногт ихэнх нутгаар 0.0-25.0 мм бороо, дуу цахилгаантай аадар бороо орсон байна. Үүнээс хоногийн нийлбэрээр хамгийн их нь Дорнодын Баяндун сум, Баянхонгорын Гурванбулаг, Өвөрхангайн Богд, Завханы Отгон, Орхоны Баян-Өндөрт оржээ.

Иймд:

• Хол, ойрын замд гарахдаа цаг агаарын урьдчилан сэргийлэх мэдээллийг тухай бүрт хүлээн авах,
• Мэргэжлийн байгууллагаас өгч байгаа заавар, зөвлөмжийг дагах,
• Баталгаат зам, гүүрээр зорчих,
• Гол, усны ойролцоо амарч зугаалахдаа аюулгүй байдлаа хангах, үер, усны ослоос урьдчилан сэргийлэх,
• Өрхийн болон хувийн бэлтгэл бэлэн байдлаа хангах, дулаан хувцаслах,

• УИХ-ын ээлжит сонгууль болохтой холбогдуулан тул баталгаат гүүр гармаар зорчиж, аюулгүй байдлаа хангах,

• Бага насны хүүхэд, өндөр настан, хөгжлийн бэрхшээлтэй иргэдийг гол, усны ойролцоо ганцааранг нь үлдээхгүй байх зэргээр урьдчилан сэргийлэх арга хэмжээ авахыг анхааруулж байна.