Жолооны үнэмлэхийн хүчинтэй хугацаа дууссан болон үнэмлэхээ хаяж үрэгдүүлсэн тохиолдолд киоск машинаас хэвлэн авах боломжтой болжээ. Ингэхдээ жолооны үнэмлэх дээрх торгуулиа бүрэн төлсөн байх ба иргэний үнэмлэхээ авч очих ёстой. Мөн И-монголиа дээр баталгаажсан утасны дугаартайгаа очих шаардлагатай аж. Тус жолооны үнэмлэх олгох киоск машиныг Драгон авто вокзал болон Тэнгэр худалдааны төвийн хоёр давхарт байршуулсныг Тээврийн цагдаагийн албанаас мэдээллээ.

Өмнө нь иргэд жолооны үнэмлэхээ шинээр захиалах болон солиулахдаа цахимаар болон Нийслэлийн үйлчилгээний нэгдсэн төвүүдэд өөрийн биеэр очин захиалдаг байсан. Ингэснээр ажлын 7-10 хоногт  өөрийн гар дээр авдаг байсан билээ.