• Аж үйлдвэр, хүнд үйлдвэрлэл
• Шинжлэх ухаан технологи
• Байгаль, рашаан сувилал, хил орчмын аялал жуулчлал
• Эрчимжсэн хөдөө аж ахуй, газар тариалан

• Бүс нутгийн эдийн засгийг төрөлжүүлж, бүсчилсэн ногоон хөгжлийн үзэл баримтлалын хүрээнд газар олголтыг либералчилж, ажлын байр, шинэ бүтээн байгуулалт бий болгосон иргэн, аж ахуйн нэгжийг урт хугацааны татварын ялгаатай бодлогоор дэмжинэ. Олон улсын болон дотоодын тээвэр, зорчигч тээвэр, ложистикийн нэгдсэн хөтөлбөр боловсруулж, хэрэгжүүлэх эрх зүйн орчин бүрдүүлнэ.
• Төрөөс усны талаар баримтлах бодлогыг шинэчилж, мастер төлөвлөгөө гарган, ус хуримтлуулах, усны эх үүсвэрээр эрчим хүч үйлдвэрлэх, усан цахилгаан станцыг барих зөвшөөрөл олгож, орлогыг тухайн аймаг, бүс нутагт төвлөрүүлэн зарцуулах эрх зүйн орчныг бий болгоно.
• Монгол ахуйд чиглэсэн амьдралын хэв маяг, соёлыг дэмжиж, хүүхдийг орон нутагтаа (багийн төвд) суралцах нөхцөлийг бүрдүүлэх, Монголчууддаа хотоос-хөдөө, гадаадаас-хөдөөд, дэлхийн хөдөө зэрэг урт хугацааны санаачилгыг эхлүүлнэ.
• Бүсчилсэн ногоон хөгжлийн тэргүүлэх чиглэлийг дараах байдлаар тодорхойлно. Бүсүүдийг төрөөс дэмжих, зах зээлд нэвтрэх ялгаатай бодлого хэрэгжүүлнэ. Үүнд,
• Баруун бүс: Усалгаатай газар тариалан, Худалдаа үйлчилгээ, Олон ястан, үндэстний зан заншил, өндөр уулсын онцлогтой аялал жуулчлал
• Хойд бүс: Шинжлэх ухаан, технологи, хүнс, хөнгөн үйлдвэрлэл, эрчимжсэн мал аж ахуй, газар тариалан, Боловсруулах үйлдвэр, Хил орчмын аялал жуулчлал, Боомт тээвэр ложистик
• Хангайн бүс: Хөнгөн, хүнсний үйлдвэрүүд, Төрөлжсөн аялал жуулчлал, Археологийн судалгаа, Рашаан, амралт сувилал, Шашин, Ногоон хөгжлийн бүс
• Говийн бүс: Уул уурхай, Хүнд үйлдвэрлэл, Барилгын материалын үйлдвэрлэл, Палеонтлогийн судалгаа, Говийн аялал жуулчлал, Хүнсний үйлдвэрлэл
• Төвийн бүс: Эрчимжсэн газар тариалан, Хүлэмжийн аж ахуй, Эдийн засаг, санхүүгийн, бизнесийн төв, Үйлдвэрлэл үйлчилгээ, Соёл урлаг, спорт
• Зүүн бүс: Ногоон хөгжлийн бүс, Зүүн хойд Азитай холбох гүүр, Хил орчмын аялал жуулчлал, Боомт, тээвэр ложистик
• Тухайн бүсийн төв, аймаг, орон нутаг дахь ерөнхий боловсролын сургууль, мэргэжлийн сургалт, үйлдвэрлэлийн төв, политехник коллеж, технологийн коллеж, их, дээд сургуулиудын үүрэг, оролцоог нэмэгдүүлж, салбар дундын ялгааг арилгах зорилгоор мэргэжлийн багш, сурган хүмүүжүүлэгчдийг чадавхжуулах сургалт тогтмол хийх, шилжин суурьшиж ажиллах боломжоор хангана.

БАРУУН БҮС: 

• Бүсийн байнгын ажиллагаатай боомтуудын(Боршоо, Тэс, Арцсуурь, Цагааннуур) хүчин чадал, тогтвортой ажиллагааг сайжруулан, тэдгээрт түшиглэсэн худалдаа, үйлчилгээг эрчимжүүлж, транзит тээврийг хөгжүүлэх нөхцөлийг бүрдүүлнэ.
• Экспортын баримжаатай мал аж ахуйд суурилсан хүнс, хөнгөн үйлдвэрийг хөгжүүлэх хүрээнд усалгаатай газар тариалан, тэжээлийн үйлдвэрүүдийг сэргээн хөгжүүлэх, аймаг бүрийн онцлогийг шингээсэн органик бүтээгдэхүүний үйлдвэрлэлийг нэмэгдүүлнэ.
• Өндөр уулсын (тухайн орон нутгийн түүх, газар зүйн онцлог, олон ястан, үндэстний ахуйтай танилцах зэрэг) онцлог бүхий аялал жуулчлалыг хөгжүүлэх хүрээнд тухайн бүсийн маршрут, стандарт, менежментийг сайжруулна.
• Бүсийн оношилгооны төв, нарийн мэргэжлийн эмнэлгийн чанар, үйлчилгээний хүртээмжийг нэмэгдүүлэх боломжоор хангана.
• Хөрөнгө оруулалтыг бүсийн суурь дэд бүтцийг хөгжүүлэх чиглэлд илүү чиглүүлж, олон улсын хөрөнгө оруулалт, худалдааг дэмжих бодлого, эрх зүйн орчныг бүрдүүлнэ.

• Бүсийн аймаг тус бүрийн онцлог, нөөцөд тулгуурлан, хүнс, хөнгөн аж үйлдвэр, эрчимжсэн хөдөө аж ахуй, газар тариаланг хөгжүүлэх зорилгыг нэн тэргүүнд тавина.
• Эгийн голын усан цахилгаан станцыг байгуулах ажлыг эхлүүлж, эрчим хүчний ногоон, найдвартай эх үүсвэртэй болох боломжийг бүрдүүлнэ.
• Мэдлэг, инновацид суурилсан аж үйлдвэрийн бараа бүтээгдэхүүний үйлдвэрлэлийг дэмжиж, ОХУ-тай хиллэж буй боомтоор дамжуулан бараа бүтээгдэхүүний импорт, экспортыг нэмэгдүүлэх, жуулчдыг боомтуудаар шууд хүлээн авах ажлыг төр, хувийн хэвшлийн оролцоотойгоор хэрэгжүүлнэ.
• “Эрдэнэт” үйлдвэрлэл технологийн паркийн төслийг эрчимжүүлж, нийгэм-эдийн засгийн өгөөжийг нэмэгдүүлнэ. Эрдэнэт үйлдвэрийн судалгаа шинжилгээний хүрээлэнд тулгуурлан, бүсийн хөгжлийн бодлогыг урт хугацаанд хэрэгжүүлэх хүний нөөц, ур чадварын нэгдсэн тогтолцоо бий болгох боломжийг бүрдүүлнэ.
• Хөвсгөл, Булган аймгуудын байгалийн үзэсгэлэнт газруудаар аялах гадаад, дотоодын жуулчдын тоог нэмэгдүүлж, аялал жуулчлалыг бусад салбартай эдийн засгийн харилцан үр ашигтай байх, тогтвортой хөгжүүлэх стандартыг бий болгоно.

• Экосистемийн тэнцвэрийг хангасан хүнс, хөдөө аж ахуй, хөнгөн үйлдвэрлэлийг хөгжүүлэх бодлогыг баримтална.
• Төр, хувийн хэвшлийн хамтын оролцоотойгоор соёл, урлаг, шинжлэх ухаан, оюуны чадавхид суурилсан “Ухаалаг шинэ Хархорин” (инновацийн төв) хотыг хөгжүүлж, цахим технологийн мэргэжлийн сургуулийг төвлөрүүлэн, бүтээн байгуулалтуудыг эхлүүлнэ.
• Нүүдлийн соёл, түүх, шашин, байгаль, био-анагаах (амралт, рашаан сувилал) чиглэлийн төрөлжсөн аялал жуулчлалыг хөгжүүлэх нөхцөлийг бүрдүүлнэ.
• Бүсийн ажиллах хүчийг, орон сууцны бодлого, мэргэжлийн орчин үеийн өрсөлдөх чадвартай сургалтаар татах бодлогоор дамжуулан хэрэгжүүлнэ.
• Бүсийн оношилгоо, эмчилгээний төвөөс гадна эрхтэн шилжүүлэх зэрэг нарийн мэргэжлийн эмнэлгийг төрөлжүүлэн хөгжүүлэх тогтолцоог бүрдүүлнэ.

• Говийн бүсэд усны хомсдол их байгааг хүлээн зөвшөөрч, гадагшаа урсаж байгаа Хангайн бүсийн гол мөрний урсацын гурван хувийг нь говийн бүс рүү чиглүүлэх, нэмүү өртөг шингэсэн уул уурхай, аж үйлдвэрийн кластер, экспортод чиглэсэн сэргээгдэх эрчим хүчний үйлдвэрлэлийг төр, хувийн хэвшлийн хамтын түншлэлээр  хөгжүүлэх орчныг бүрдүүлнэ.
• Говийн бүсийн газар зүйн онцлог тогтоц, байгалийн ховор палеонтологийн олдворын үзэсгэлэн, говийн малчин айлд зочлох, нүүдэлчин ахуйтай танилцах зэргээр жуулчдыг татах, говийн аялал жуулчлалыг хөгжүүлэх ажлыг төр, хувийн хэвшилтэй хамтран гүйцэтгэнэ.
• Хүн амын боловсрол, бүсийн тэргүүлэх чиглэлтэй уялдсан нарийн мэргэжлийн ажиллах хүчнийг бэлтгэхэд чиглэсэн сургалт, сургалтын чанарыг дээшлүүлэхэд анхаарах, тусгайлсан бодлого баримталж ажиллана.
• Говийн бүсэд ходоод, элэгний хорт хавдраар өвчлөх явдал газар авч байгааг онцгой анхаарч, нэн тэргүүнд ундны усыг цэвэршүүлэх зөөлрүүлсэн усаар хангахад зорьж төр, хувийн хэвшил, иргэдийн оролцоотойгоор хамтран ажиллана.
• Бүсийн онцлогтой оюуны нөөц, чадамж шингэсэн ингэний бүтээгдэхүүн, үйлдвэрлэлийг экспортод чиглүүлэн хөгжүүлж байгаль орчиндоо ээлтэй, экологийн тэнцвэрийг хадгалах ач холбогдолтой ЖИШЭЭ дэлхийд бий болгоно.

• Импортыг орлох хүнсний бүтээгдэхүүний үйлдвэрлэлийг хөгжүүлж, бүс нутгийн төдийгүй нийслэл хүн амын хэрэгцээг шинэ мах, сүү, хүнсний ногоо, өндөг, нарийн ногоо зэрээр хангаж, стандартын шаардлагад нийцсэн агуулах, зоорийн аж ахуй бүхий борлуулалтын сүлжээг хөгжүүлнэ.
• Боловсруулах салбар давамгайлсан эдийн засгийн бүтцийг бүрдүүлж, дотоодын хэрэгцээг хангахад томоохон хувь нэмэр оруулахуйц гангийн үйлдвэрлэл, арьс ширний үйлдвэрлэлийн цогцолбор, үйлдвэрлэл, технологийн паркуудыг байгуулахад бодлогоор дэмжин хөгжүүлнэ.
• Агаарын тээврийг хөгжүүлэх бодлоготой уялдуулан, Чингис хаан олон улсын нисэх онгоцны буудлыг түшиглэн, Хөшигийн хөндийн чөлөөт бүс, шинэ Зуун мод хот байгуулах ажлыг эрчимжүүлнэ.
• Дулааны цахилгаан станцуудыг өргөтгөх, сэргээгдэх эрчим хүчний үйлдвэрлэлийг нэмэгдүүлэх гадаад, дотоодын төсөл, хөтөлбөрүүдийг төр, хувийн хэвшлийн түншлэлийн хүрээнд хэрэгжүүлнэ.
• Их дээд сургуулиуд, эрдэм шинжилгээний хүрээлэнгүүдийн хооронд хамтын ажиллагааг өргөжүүлж шинжлэх ухаан, технологийн төв байгуулах, хөгжүүлэх эрх зүйн орчин, нөхцөлийг бүрдүүлнэ.

• Ази-Европыг холбосон эдийн засгийн коридор байгуулах, БНХАУ-ОХУ-ыг холбосон тээвэр, аялал жуулчлалын сүлжээг бий болгох, боомтуудыг хөгжүүлж, олон улсын зэрэглэлд хүргэн, тээвэр, ложистикийн сүлжээ, төвүүдийг бий болгох эрх зүйн орчныг бүрдүүлнэ.
• Түүхэн, байгалийн болон тусгай зориулалтын хэрэгцээгээр аялал жуулчлалыг төрөлжүүлэх, хөрш улс орнуудтай хамтарсан аялалын маршрут гарган салбарын хөгжилд төр, хувийн хэвшлийн оролцоог нэмэгдүүлнэ.
• Бүс нутгийн байгалийн өгөгдлийн давуу байдалд түшиглэн, шинэ махны худалдаа экспортын чиглэлээр хагас бэлчээрийн мал аж ахуйг хөгжүүлэх, хөрөнгө оруулж буй бизнес эрхлэгчдийг татварын хөнгөлөлт, урамшууллын ялгаатай бодлогоор дэмжих эрх зүйн орчныг бүрдүүлнэ.
• Бүс нутгийн хүний нөөцийн дутагдлыг арилгахад чиглэсэн хөтөлбөр хэрэгжүүлэх, гэр бүл, өсвөр насныханд чиглэсэн богино ба урт хугацааны сургалтыг төлөвлөн, хэрэгжүүлэх асуудалд онцгой анхаарч ажиллана.
• Хавдрын чиглэлээр үзлэг, оношилгоо хиидэг нарийн мэргэжлийн дагнасан эмнэлэг байгуулж, эмч, эмнэлгийн ажилтны цалин хангамж, нийгмийн асуудлыг шийдвэрлэх замаар, бүсийн иргэдийн эрүүл мэндийн тусламж, үйлчилгээг өндөр түвшинд хүргэх нөхцөл, боломжоор хангана.