Тэрэлж гол үерийн аюултай түвшинг 26 см давж өнгөрсөн оны их үерийн түвшингээс ч даван хүчтэй үерлэж эхэлсэн байна. Ингэхдээ Туул гол ялангуяа Биокомбинат орчмоор үерийн түвшинг 32 см даван үерийн аюултай түвшинд дөхсөн гэж мэргэжлийн байгууллагаас мэдээлсэн юм.
Иймд нийслэл, дүүргийн Онцгой комисс, мэргэжлийн байгууллагуудаас тухайн байршлуудад байрладаг айл өрх, аж ахуй нэгж байгууллагуудад гэр, байшин, хашаа руу ус орох, усанд автахаас сэргийлэх сэрэмжлүүлэг, зөвлөмж мэдээллийг хүргэн хөдөлгөөнт эргүүлийн бүрэлдэхүүн ажиллаж эхэлжээ. Алба хаагчид одоогоор Налайх дүүргийн зургадугаар хорооны айл өрх, амралт сувиллын газрууд, Хан-Уул дүүргийн 12 дугаар хороо Биокомбинат орчмын айл өрх аж ахуй нэгж байгууллагуудад хөдөлгөөнт дуут сэрэмжлүүлэг мэдээллийг хүргэжээ.
Холбоотой мэдээ