Өнгөрсөн шөнөөс хойш үргэлжлэн орж буй усархаг борооны улмаас Улаанбаатар хотын нийт газраар нөхцөл байдал хүнд байна. Иймд Сонгинохайрхан дүүргийн онцгой комисын дарга бөгөөд дүүргийн Засаг дарга Н.Алтаншагайгаар ахлуулсан алабныхан нийт 55 ажилтан, алба хаагч, 28 тусгай зориулалтын автомашин, тенхик хэрэгсэлтэйгээр 2, 5, 9, 15, 18, 20, 25, 26, 27, 29, 32, 33, 35-р хороодын үерийн асуудал үүссэн байршил дээр шуурхай арга хэмжээ авч ажиллаж байна.

Эдгээр хороодод 2024 оны 06 дугаар сарын 20-ны өдрийн 20 цагаас эхлэн өнөөдрийн 14 цагийн байдлаар далан босгох 1500 шуудай шороо уутлан буулгаж, далан босгож, шуудуу татан, үерт автсан айл, өрхийг нүүлгэх, усыг соруулах ажлыг хийж гүйцэтгэж байна.