Би Монполимет группийн Тосон уурхайн ажилтан. Манай тосон уурхайд зургадугаар сарын 5-нд бүх техникийг лацдаад зогсоогоод хаячихсан. Бидэнд одоо 14-н хоног ямар ч ажил баихгүй, одоо болтол. Биднээс цахимаар болон бичгээр шаардлага хүргүүлсэн боловч ямар ч хариу ирээгүй байна. Манай компани улирлын чанартай ажилладаг. 300 гаруй ажилчдын амьдрал нь зогсонги байдалд орчихоод баиж байна. Бид өөрсдийнхөө эрх ашгийг хамгаалаад тайван жагсаал хийхээр манай Тосон уурхайн 300 гаруй ажилчид нэгдээд Улаанбаатар хот уруу орж ирж байна. Төр дарамтаа зогсоомоор байна, бид тайван ажлаа хиймээр байна.

Би Дорноговь аймгийн Өргөн сумын ууган хүүхэд. Би “Монцемент” группийн энэ сайхан бүтээн байгуулалтад  9 дэх жилдээ ажиллаж байна.  Өнөөдөр группт үүсээд байгаа нөхцөл байдал манай 1300 ажилтны хувьд маш хүнд тусаж байна. Бидний нэг эд, эс болсон Төв аймгийн Заамар суман дахь Тосон уурхайн үйл ажиллагааг хаагаад 15 хонолоо. Тэнд ажилладаг 300 гаруй ажилтны эрх ашиг хөндөгдөж, орлогогүй хэцүүхэн байдалд байна. Тиймээс бид баг хамт олны төлөөлөл болж Дорноговь аймгийн Өргөн сумаас үзэл бодлоо илэрхийлэхээр, эрхээ хамгаалуулахаар өнөөдөр Улаанбаатар хотын зүг хөдөлж байна.