-Үндэсний эвслээс нэр дэвшигч Н.Хуланг нэр дэвшигчээр бүртгэхээс татгалзсан Сонгуулийн ерөнхий хорооны тогтоолыг шүүх хэлэлцлээ. Шүүхээс аливаа хүн улс төрийн намд нэгдэн орсон бол түүнээс гарах нь сайн дурын үндсэн дээр буюу тэр хүний өргөдлөөр шийдэгддэг гэдгийг эцэслэлээ. Үндэсний эвслээс нэр дэвшиж буй гурван нэр дэвшигчийг МАН-ын гишүүнчлэлтэй байна гэсэн үндэслэлээр бүртгэхээс татгалзсан бол эдгээр нэр дэвшигчид тухайн намаас гарсан өргөдлөө өгсөн гэдгээ нотоллоо. Шүүхээс иргэн хүн намаас гарахдаа аливаа намын зөвшөөрөл, шийдвэр хэрэггүй гэдгийг тогтоож байна. Үндэсний эвслийн бүх нэр дэвшигч УИХ-ын сонгуульд нэр дэвших эрхтэй боллоо. УИХ-ын сонгууль болоход есхөн өдөр үлдлээ. Нэр дэвшигчид эрхээ хязгаарлуулж, сонгуулийн сурталчилгаагаа цөөн хоногт хийх гэж байна гэв.

Нэр дэвшигч Н.Хулан "Нэр дэвших эрхээ шүүхээр сэргээлгүүллээ. Болж буй процессоос МАН-ын өрсөлдөгч бол Ардчилсан нам биш, ХҮН нам биш Үндэсний эвсэл юм байна гэж харагдаж байна. Үндэсний эвслийн дөрвөн нэр дэвшигч буюу тэргүүн Н.Номтойбаяр, гурван МАН-ын хамаарал бүхий байсан нэр дэвшигчийн нэр дэвших эрхийг хязгаарласан. Миний хувьд сонгууль  дуусахад 9 хоног үлдсэн байна. Үлдсэн хугацаанд залуучууд руу чиглэсэн, мөн иргэн хүн рүүгээ хандаж юу хийж байгаа вэ гэдэг дээр хичээнгүйлэн ажиллах болно" гэлээ.