Зун дунд үедээ орж, зургаан сар хуучрах дөхсөн энэ үед нийслэлчүүдийн тойроод биш дайраад гардаг нэг “зовлон” бол үерийн аюул билээ. “УБ хотын үерийн эрсдэлтэй бүсэд нийгмийн эрүүл мэндийг хамгаалж ус хангамж, ариун цэвэр, эрүүл ахуйн байдлыг сайжруулах нь” төслийн хүрээнд ОБЕГ-т гурван өндөр бүтээлт, ус зайлуулах насосыг Япон Улсын Засгийн газар, НҮБ-ын Хүүхдийн Сан хамтран хүлээлгэн өглөө. Тус насос нь үерийн ус зайлуулах өндөр хүчин чадалтай ба үерийн аюулын бэлэн байдлыг хангах, үер болсон тохиолдолд үр дүнтэй хариу арга хэмжээ авах боломжоор хангагдах юм. Хүүхэд бүр үерийн аюулаас хол байх болтугай.

Монгол Улсад үерийн аюул 2023 оны эхний долоон сард 85 удаа тохиолджээ. Үүнээс улбаалан аюулт үзэгдэл, ослын улмаас 28.1 тэрбум төгрөгийн хохирол учирч, 0.7 тэрбум төгрөг зарцуулсан байна.

 С.Нинжжаргал