Карен Фостер гэх хүүхэд асрагч хэт бухимдсан учир есөн сартай Харлоу Коллинжийг хүчтэй сэгсэрч, амийг нь хөнөөжээ. Карен Фостер өнгөрсөн долоо хоногт амиа алдсан хүүгийн эцэг эхэд хийсэн хэргээ илчилж, буруугаа хүлээсэн байна. Престон Краун шүүх хүүхэд асрагч 62 настай Карен Фостероос болсон үйл явдлын талаар тодруулахад, " Харлоу хүү хоолны ширээнээсээ унаснаас болж маш их уйлсан. Би тэр үед ууртай, бухимдсан байсан учир хүүг хүчтэй сэгсэрсэн" гэж мэдүүлжээ.

Шүүхээс Карен Фостерт 12 жил, долоон сарын хорих яг оноосон. Шүүгч Барри Коттер шүүх хурал дээр үг хэлэхдээ "Бяцхан Харлоу цовоо сэргэлэн, хүн бүрийн хайрыг татсан хүүхэд байсан" гэжээ. Карен Фостер есөн сартай Харлоу Коллинжийг асарч байхдаа ташаа нь өвддөг байжээ.  Хүүгийн эцэг эх  Карен Фостерыг биеэ эмчлэн, хэсэг хугацаанд ажлаа хийхгүй байхыг санал болгосон ч тэрбээр зөвшөөрөөгүй аж.

Шүүгч хүүгийн ээж Жемма Коллинжид эмгэнэлээ илэрхийлсэн ба шүүгдэгч Карен Фостерт хандан " Чи ажиллах хугацаанаасаа хэтэрч ажилласан. Бяцхан хүү чиний өвчнийг үүсгээгүй. Цэвэр чиний ухамсар, хариуцлага байсан. Чи 2022 оны гуравдугаар сард огцом уурлаж, хүүгийн амийг бүрэлгэхдээ юу ч бодоогүй. Чи хүүгийн ээж Жемма Коллинжийн итгэж болох цор ганц хүн байх ёстой байсан" гэжээ.

Уг хэрэг  2022 оны гуравдугаар сарын 1-ний өдөр Ланкашир дахь Бернли мужийн Хаптон дахь нэгэн байшинд гарчээ.  Хүүхдийн зүрх нь зогссон гэсэн мэдээллийг түргэн тусламж авснаар эмнэлэгт хүргэж, шаардлагатай тусламж үзүүлсэн. Гэвч 9 сартай хүү эмнэлгийн тусламж авсан ч нас барсан. Хүүгийн тархины "CT" зургийг авсан ба түүний тархинд их хэмжээний цус хурсан байжээ.

Эх сурвалж: sky news