Индонезийн Өмнөд Сулавеси мужийн тосгоноос алга болсон 45 настай, дөрвөн хүүхдийн ээж Фарида асар том питон могойд идүүлсэн байжээ. Түүнийг алга болсон талаар Мягмар гаригт нөхөр нь цагдаад мэдэгдсэнээр эрлийн баг ажиллагаа явуулсан. Өмнөд Сулавеси муж нь ой модоор бүрхэгдсэн, уулархаг бүс бөгөөд эхний хайлтаар алга болсон эмэгтэйн ул мөр олдоогүй байна. Тосгоны удирдагч Суарди Росси мэдүүлснээр, нөхөр нь эхнэрийнхээ зарим эд зүйлсийг модон дунд олсноор цагдаад мэдэгджээ.

Тосгоны оршин суугчид Фаридагийн эд зүйлс олдсон газрыг самнаж, удалгүй том гэдэстэй питон могой  олсон гэж тосгоны удирдагч Франс Пресс агентлагт ярьжээ.

Питон могой нь олзоо биеэрээ ороож, шахаж алдаг ба хоолоо бүтнээр нь залгидаг. Питонууд ихэвчлэн жижиг олз агнадаг тул хүмүүсийг залгих тохиолдол маш ховор байдаг. Гэхдээ 2017 оноос хойш Индонезид могой хүн залгилсан таван тохиолдол гарчээ. Өнгөрсөн жил Зүүн өмнөд Сулавесигийн нэгэн тосгонд найман метрийн урттай питон тариачныг боомилж, идэж байхад тосгоны иргэд олсон. Дараа нь могойг  устгасан юм. Мөн 2018 онд тус газар  долоон метрийн питон дотроос нэг эмэгтэй үхсэн байдалтай олдсон.

Эх сурвалж: Global News