Батлан хамгаалахын сайд, Зэвсэгт хүчний Жанжин штабын даргын шийдвэрээр Зэвсэгт хүчний нэгтгэл, ангиуд хугацаат цэргийн алба хаагчдынхаа орчин нөхцөл, цэргийн байр, тэр дотроо амрах байрыг бүрэн хэмжээнд засварлан шинэчилж байна.
Энэ ажлын хүрээнд ор, дэр, хөнжлийг нь шинээр хангаж, түрүүч, байлдагч бүрийг хувийн хэрэгцээний зүйлсээ хадгалах шүүгээтэй болгохоор ажиллаж байна.
Одоогоор нэгтгэл, ангиуд 29 цэргийн байрны барилгыг засварлах ажлыг ид өрнүүлж байгаа бөгөөд гадна засвар, дотор засвар, шугам сүлжээ, дээвэр, шүршүүр, бие засах өрөө зэрэг бүрэн хэмжээний урсгал засварыг хийж байна. Бүрэн хэмжээний урсгал засварыг тавдугаар сарын 15-ны өдөр эхлүүлсэн ба зуны улиралдаа багтаан дуусгахаар Зэвсэгт хүчний нэгтгэл, ангийн алба хаагчид ханцуй шамлан гүйцэтгэж байгаа аж. Батлан хамгаалах яам, Зэвсэгт хүчний Жанжин штабын зүгээс энэ онд хугацаат цэргийн алба хаагчдын алба хаах орчин нөхцөлийг сайжруулах чиглэлээр хэд хэдэн томоохон ажил төлөвлөсний нэг нь энэхүү засвар, шинэчлэлийн ажил юм байна. Цэргийн байрны барилгын засварын ажил дуусахтай зэрэгцүүлэн шинээр хангалтаар нийлүүлэх ор, дэр, хөнжил, шүүгээг ЗХЖШ-аас нэгтгэл, ангиудад тээвэрлэн хүргэнэ.
БХЯ
Холбоотой мэдээ