Монгол Улсын Ерөнхийлөгч Ухнаагийн Хүрэлсүхийн урилгаар БНАЛАУ-ын Ерөнхийлөгч Тонглун Сисүлит гэргий Нали Сисүлитийн хамт Монгол Улсад төрийн айлчлал хийхээр 2024 оны зургадугаар сарын 11-ний өдөр хүрэлцэн ирлээ. БНАЛАУ-ын ерөнхийлөгчийн түвшинд 17 жилийн дараа болж байгаа айлчлалын үеэр төрийн тэргүүн нар албан ёсны хэлэлцээ хийж, эрх зүйн орчинг бэхжүүлэх хүрээнд хамтын ажиллагааны баримт бичгүүдэд гарын үсэг зурав.

Монгол, Лаос улсууд 1962 онд дипломат харилцаа тогтоосон бөгөөд энэ удаагийн айлчлал нь Лаос улсын ерөнхийлөгчийн түвшинд 1980 оноос хойш хийж байгаа дөрөв дэх удаагийн айлчлал юм.

ГЭРЭЛ ЗУРГИЙГ Л.ЭНХ-ОРГИЛ.