Их буугаар тоноглогдсон байж болзошгүй Хятадын дөрвөн хөлөг онгоц Зүүн Хятадын тэнгис дэх Сенкаку арлуудын ойролцоох Японы усан хилд нэвтэрчээ. Японы эргийн хамгаалалтын албаныхны мэдээлснээр хөлөг онгоцууд Баасан гаригийн өглөөний 10:30 цаг орчимд Минамикожима арлын нутаг дэвсгэрийн усан хилд цувран орж ирсэн байна.  Харин үд дунд болох үед Японы усан хилээс гарчээ.

Мөн хөлөг онгоц бүр их буутай юм шиг харагдаж байсан. Төв оффис хэлэхдээ, энэ нь орж ирж буй бүлгийн бүх хөлөг онгоцууд ийм илэрхий зэвсэгтэй болох нь батлагдсан анхны тохиолдол юм. Хятадын засгийн газрын дөрвөн хөлөг онгоцыг өнгөрсөн олон навигаци хийхдээ зөвхөн нэг нь их буутай байсан гэжээ. Японы эргийн хамгаалалтын газраас Хятадын нэг ч хөлөг онгоц дахин усан хилд  орохгүй гэдгийг анхааруулж, хянаж байна. Энэ жил 17 дахь удаа Хятад хил зөрчиж бөйгаа бөгөөд анх тавдугаар сарын 25-нд Хятадын засгийн газрын хөлөг онгоцууд арлуудын ойролцоох Японы усан хилд нэвтэрсэн юм.

Хятадын засгийн газрын хөлөг онгоцууд сүүлийн үед бараг өдөр бүр Сенкаку арлуудын ойролцоох  бүсэд нэвтэрч байна. Тэд өнгөрсөн оны арванхоёрдугаар сарын 22-ноос Баасан гариг  хүртэл 169 өдөр дараалан харагдсан. Энэ нь Японы засгийн газар 2012 онд Сенкаку арлуудын заримыг Япон эзэмшсэнээс хойшхи хамгийн урт хугацаанд Хятад хил зөрчсөн.  Японы хянадаг арлуудыг Хятад, Тайвань  нэхэмжилж байна. Японы засгийн газар арлуудыг түүх, олон улсын эрх зүйн хувьд Японы нутаг дэвсгэрийн салшгүй хэсэг гэж үздэг.

Эх сурвалж: NHK Japan