Улс төрийн хоригдлуудыг эрүүдэн шүүж, амь насыг нь хөнөөсөн хэргийг шалгахыг НҮБ-ын хүний ​​эрхийн тусгай төлөөлөгчид Беларусийн эрх баригчдад хандан уриалав. Тодруулбал, Беларусийн шоронд нас барсан таван хүнийг улс төрийн хилс хэрэгт буруутган шийтгэсэн болохыг НҮБ-ын Беларусийн асуудлаарх тусгай илтгэгчийн гаргасан тайланд дурдсан байжээ. Тайланд дурдсанаар тэдгээр таван хүний хэн нь ч задлан шинжилгээнд хамрагдаагүй. Мөн шоронд нас барсан нь тэдний амь насанд дур зоргоор халдсан гэх таамаглалыг бий болгосон байна. Тиймээс шуурхай, үр дүнтэй, шударгаар шалгахыг уриалжээ.

Беларусийн сөрөг хүчний хэд хэдэн улстөрч, хуульч, идэвхтнүүд одоогоор шоронд хоригдож буй. Тэд чухам хаана хоригдож байгаа нь жил гаруйн хугацаанд тодорхойгүй байгаад онцгойлон анхаарч байгаагаа НҮБ-ын төлөөлөгчид мөн мэдэгдэв.

"Виасна" хүний ​​эрхийн төвийн мэдээлснээр тус улсад одоогоор 1401 улс төрийн хоригдол байна. Тэдний дотор Нобелийн энх тайвны шагналт Алес Беляцки байгаа юм. Улс төрийн хоригдлуудад шоронд тусгай шар тэмдэг зүүж, ихэвчлэн ганцааранг нь хоридог.

Эх сурвалж: AP