Монгол Улсын эдийн засагт хамгийн их чухал зүйлийн нэг нь гадаадын хөрөнгө оруулалт.  Хөрөнгө оруулагчдын итгэлийг олж,  тэдэн үйл ажиллагаа эрхлэхэд найдвартай, хэвийн хууль эрх зүйн орчныг бүрдүүлэхэд Монгол Улсын Засгийн газар онцгой анхаарсан.

Тэгвэл 2024 оны эхний улиралд шууд хөрөнгө оруулалт 885 сая ам.долларт хүрч, өмнөх оны мөн үеэс 73 хувиар буюу 374 сая ам.доллараар нэмэгджээ.

НИЙТ ХӨРӨНГӨ ОРУУЛАЛТЫН:

• 79 хувь буюу 698 сая ам.доллар нь уул уурхайн салбарт
• 8 хувь буюу 75 сая ам.доллар нь мэргэжлийн, шинжлэх ухаан болон техникийн үйл ажиллагааны салбарт
• 6 хувь буюу 54 сая ам.доллар нь худалдааны салбар
• 3 хувь буюу 26 сая ам.доллар нь санхүү, даатгалын салбарт
• үлдсэн 4 хувь буюу 32 сая ам.доллар нь тээвэр, мэдээлэл, холбоо, барилга зэрэг бусад 15 салбарт орсон байна.