Японы автомашин үйлдвэрлэгчид аюулгүй байдлын шалгалтад хайнга ханддаг гэх мэдээллийн дараа “Toyota” зарим нийлүүлэлтээ зогсоов. Мөн “Honda” (HMC), “Suzuki”, “Yamaha Motor” зэрэг компаниудын машинд зөрчил илэрсэн байна. Учир нь автомашин үйлдвэрлэгчид тээврийн хэрэгслийн гэрчилгээ авах хүсэлт гаргахдаа аюулгүй байдлын туршилтын өгөгдлийг буруу эсвэл өөрчилсөн нь тогтоогджээ.

Тээврийн яам зарагдсан автомашиныхаа тоогоор дэлхийн хамгийн том автомашин үйлдвэрлэгч Toyota (TM) компанид болон Mazda, Yamaha зэрэгт  автомашины тээвэрлэлтийг зогсоохыг  үүрэг болгов.

Өнгөрсөн жил Toyota-ийн Daihatsu компакт машины нэгжид гарсан аюулгүй байдлын туршилтын дуулианы дараа тус яам нэгдүгээр сард автомашин үйлдвэрлэгчдэд гэрчилгээ олгох хүсэлтийг илүү чанга явуулдаг болсон. Эдгээр үйл явлууд нь жилийн сүүлчээр болох Toyota компанийн ерөнхий хурлын гол сэдэв болох бололтой. Учир нь институциональ хувьцаа эзэмшигчид болон Гласс Льюис нөлөө бүхий зөвлөх компаниуд Акиог даргаар дахин сонгохгүй байхыг эрмэлзэнэ. ОУСС-аас хувьцаа эзэмшигчдэд зориулсан тайланд, Toyota группт гарсан "сертификатжуулалтын олон зөрчил"-ийг онцолсон юм.

Автомашин үйлдвэрлэгчийн магнатийн ач хүү Даваа гаригт сэтгүүлчдэд хэлэхдээ,  "Би Toyota группийг хариуцаж байгаа хүний ​​хувьд үйлчлүүлэгчид, автомашины шүтэн бишрэгчид болон бүх оролцогч талуудаас чин сэтгэлээсээ уучлалт гуйж байна" гэжээ. Тэрбээр машинууд зарагдахаасаа өмнө зөв гэрчилгээнд хамрагдаагүй гэдгийг хүлээн зөвшөөрчээ. Тиймээс тус компани Японд үйлдвэрлэсэн гурван загварын автомашины тээвэрлэлт, борлуулалтыг түр зогсоосноо мэдэгдэв.

ХУВЬЦАА УНАЛТ

Toyota компани 2014, 2015, 2020 онуудад хийсэн зургаан өөр туршилтын үеэр буруутай үйлдэл гаргасан гэж мэдэгдэв. Тиймээс, зөв гэрчилгээгүй загварууд нь Corolla Fielder, Corolla Axio, Yaris Cross, мөн Lexus luxury брэнд байжээ. Гол алдаа гэвэл, тус компани нь загварын машины бүрээсний нэг талд мөргөлдсөн гэмтлийг хэмжсэн байхад хоёр талдаа үүнийг хийх шаардлагатай байсан.

Toyota  мөн автомашины түлшний хэмнэлт, хорт утаа ялгаруулалттай холбоотой асуудлыг үргэлжлүүлэн судалж байгаа бөгөөд зургадугаар сарын эцэс гэхэд уг судалгааг дуусгахыг зорьж байна.  Мөн үйлчлүүлэгчид автомашинаа ашиглахаа зогсоох шаардлагагүй гэж мэдэгджээ.

Mazda компани өнгөрсөн долоо хоногоос  эхлэн ажилчид хөдөлгүүрийн хяналтын программ хангамжийн туршилтын үр дүнг өөрчилсөн болохыг олж тогтоожээ. Үүний дараа өөрийн Roadster RF спорт машин болон Mazda2 бөгсгүй автомашины тээвэрлэлтийг зогсоосон байна. Түүнчлэн үйлдвэрлэгдэхээ больсон Atenza болон Axela загваруудын ослын туршилтыг урд талын мөргөлдөөний зарим туршилтын үеэр самбар дээрх мэдрэгчийг илрүүлэхийн оронд таймер ашиглан аюулгүйн дэрийг унтраасан нь тогтоогдсон. Mazda -гын хувьцаа 3.3 хувиар унасан байна. Түүнчлэн , Yamaha спорт мотоциклийн тээвэрлэлтийг зогсоосон гэж мэдэгдэв. Honda 2017 оны аравдугаар сар хүртэл найман жил гаруй хугацаанд үйлдвэрлэгдэхээ больсон 20 гаруй загварт хийсэн дуу чимээ, гаралтын туршилтын явцад алдаа гарсан гэж мэдэгдэв.

Эх сурвалж: CNN