Үндэсний бөхийн цол чимэг олгодог 33 дахь удаагийн “Бүх цэргийн наадам” өнөөдөр/2024.05.31/ Монгол Бөхийн Өргөөнд болно. Энэ удаагийн наадамд хүчний спорт хороодод харьяалагддаг аймаг, цэрэг, сумын цолтой болон залуу 256 бөх хүч сорино.

Энэхүү барилдааны үзүүр түрүү булаалдаж, шөвгөрсөн бөхчүүд дараа жилийнхээ баяр наадмаар улсын цолонд ойрхон хэмээн тооцогддог. 1992 оноос хойш бүх цэргийн наадамд түрүүлсэн бөхчүүдээс нэг дархан аварга, хоёр аварга, хоёр арслан, дөрвөн гарьд, дөрвөн заан, есөн харцага, 21 начин цолтон төрөөд байна. Энэ жил ч хэн түрүүлэх вэ гэдэг асуулт анхаарал татаж буй.

Бүх цэргийн наадам нь жилд нэг удаа болдог бөгөөд чансаагаараа аймгуудын баяр наадмуудаас илүү хэмжээнд зохиогддог билээ.

Наадам ойртсон учир цол ахиж, эрэмбэ дээшлэх хүсэлтэй аймаг, цэргийн арслан, заан, начин, сумын заанууд бүгд үнэн хүчийг үзнэ. Арслан цолтнууд хурцлахыг хүсч байгаа бол бусад нь цэргийн арслан цолонд хүрч, улсын наадмаар өнгөтэй барилдахыг хүснэ. Бөх сонирхогчдын дунд таамаг ч гарчээ. Тухайлбал, өнгөрсөн жилүүдэд үзүүрлэсэн цэргийн заан Ө.Батсуурь болон цэргийн заан Х.Наранбаяр нарыг дээшээ үзэх болов уу гэж харахаас гадна аймгийн начин Б.Бат-Эрдэнэ, аймгийн начин Д.Төрбаяр, сумын заан Д.Цэрэнням зэрэг бөхчүүдийг цахиур хагалж болзошгүй гэж байна. Мөн Н.Өсөхбаяр, М.Баяржавхлан, Д.Алтанцоож тэргүүтэй аймгийн арслангуудын хурцалж, эрэмбэ ахина гэсэн хүлээлт бий.

Бүх цэргийн наадмын үзүүр, түрүүний бөхчүүд:

• 1992 оны бүх цэргийн наадам

Түрүү бөхөөр улсын начин С.Дэлгэрбат /Булган/

Үзүүр бөхөөр цэргийн заан Ч.Ганбаатар /Архангай/

• 1993 оны бүх цэргийн наадам

Түрүү бөхөөр улсын начин У.Сүхбаатар /Өвөрхангай/

Үзүүр бөхөөр улсын гарьд И.Доржсамбуу /Булган/

• 1994 оны бүх цэргийн наадам

Түрүү бөхөөр улсын гарьд И.Доржсамбуу  /Булган/

Үзүүр бөхөөр дархан аварга Г.Өсөхбаяр /Архангай/

• 1995 оны бүх цэргийн наадам

Түрүү бөхөөр дархан аварга Г.Өсөхбаяр /Архангай/

Үзүүр бөхөөр улсын заан Ч.Батзориг /Ховд/

• 1996 оны бүх цэргийн наадам

Түрүү бөхөөр улсын начин С.Мандах /Өвөрхангай/

Үзүүр бөхөөр улсын начин У.Балжинням /Завхан/

• 1997 оны бүх цэргийн наадам

Түрүү бөхөөр улсын заан Ц.Мягмарсүрэн /Ховд/

Үзүүр бөхөөр цэргийн заан Д.Энхтөр /Төв/

• 1998 оны бүх цэргийн наадам

Түрүү бөхөөр улсын начин Ц.Цэрэнчимэд /Архангай/

Үзүүр бөхөөр улсын арслан Б.Ганбат /Увс/

• 1999 оны бүх цэргийн наадам

Түрүү бөхөөр улсын начин Б.Бадам-Очир /Төв/
Үзүүр бөхөөр улсын харцага Ш.Уламбаяр /Завхан/

• 2000 оны бүх цэргийн наадам

Түрүү бөхөөр улсын начин Д.Цогзолдорж /Дорнод/

Үзүүр бөхөөр улсын харцага Т.Амартүвшин /Ховд/

• 2001 оны бүх цэргийн наадам

Түрүү бөхөөр улсын начин Д.Цогзолдорж /Дорнод/

Үзүүр бөхөөр улсын начин И.Ёндонсамбуу /Булган/

• 2002 оны бүх цэргийн наадам

Түрүү бөхөөр улсын харцага Т.Мөнгөнцоож /Архангай/

Үзүүр бөхөөр улсын харцага Т.Амартүвшин /Ховд/

• 2003 оны бүх цэргийн наадам

Түрүү бөхөөр улсын харцага М.Батжаргал /Архангай/

Үзүүр бөхөөр улсын начин Ж.Гансүх /Дорнод/

• 2004 оны бүх цэргийн наадам

Түрүү бөхөөр улсын начин Д.Лхагвадорж  /Говь-Алтай/

Үзүүр бөхөөр цэргийн заан Н.Нямаа /Архангай/

• 2005 оны бүх цэргийн наадам

Түрүү бөхөөр улсын харцага А.Бямбажав /Увс/

Үзүүр бөхөөр улсын заан Т.Санчир /Өвөрхангай/

• 2006 оны бүх цэргйин наадам

Түрүү бөхөөр улсын гарьд Н.Ганбаатар /Говь-алтай /

Үзүүр бөхөөр улсын гарьд Ж.Бат-Эрдэнэ/ Говь-алтай /

• 2007 оны бүх цэргийн наадам

Түрүү бөхөөр улсын харцага А.Бямбажав /Увс/

Үзүүр бөхөөр улсын заан Б.Батмөнх /Төв/

• 2008 оны бүх цэргийн наадам

Түрүү бөхөөр улсын аварга Ч.Санжаадамба /Архангай/

Үзүүр бөхөөр улсын харцага Н.Батзаяа /Ховд/

• 2009 оны бүх цэргийн наадам

Түрүү бөхөөр улсын аварга С.Мөнхбат /Увс/

Үзүүр бөхөөр улсын гарьд Ө.Бат-Орших  /Увс/

• 2010 оны бүх цэргийн наадам

Түрүү бөхөөр улсын аварга Ч.Санжаадамба /Архангай/

Үзүүр бөхөөр аймгийн арслан Э.Тулга / Сэлэнгэ/

• 2011 оны бүх цэргийн наадам

Түрүү бөхөөр улсын өсөх идэр начин Ч.Батчулуун /Төв/

Үзүүр бөхөөр улсын харцага Ш.Мөнгөнбаатар / Сүхбаатар/

• 2012 оны бүх цэргийн наадам

Түрүү бөхөөр улсын начин Б.Ганзориг/Увс/

Үзүүр бөхөөр улсын заан Б.Пүрэвсайхан /Ховд/

• 2013 оны бүх цэргийн наадам

Түрүү бөхөөр улсын өсөх идэр начинЛ.Цэрэнтогтох /Говь-Алтай/

Үзүүр бөхөөр улсын начин А.Алтанхуяг /Дундговь/

• 2014 оны бүх цэргийн наадам

Түрүү бөхөөр улсын начин Б.Бадамсүрэн /Завхан/

Үзүүр бөхөөр улсын начин Ч.Ганзориг /Архангай/

• 2015 оны бүх цэргийн наадам

Түрүү бөхөөр улсын начин Л.Батзориг /Өвөрхангай/

Үзүүр бөхөөр улсын харцага Б.Одгэрэл/Сэлэнгэ/

• 2016 оны бүх цэргийн наадам

Түрүү бөхөөр улсын начин Д.Цэрэнтогтох /Баянхонгор/

Үзүүр бөхөөр улсын арслан М.Бадарч /Архангай/

• 2017 оны бүх цэргийн наадам

Түрүү бөхөөр улсын начин Б.Хишигбаатар /Говь-Алтай/

Үзүүр бөхөөр цэргийн заан О.Батжаргал /Завхан/

• 2018 оны бүх цэргийн наадам

Түрүү бөхөөр цэргийн арслан Г.Жамбалдорж /Баянхонгор/

Үзүүр бөхөөр улсын начин Б.Түмэндэмбэрэл /Булган/

• 2019 оны бүх цэргийн наадам

Түрүү бөхөөр улсын начин Т.Дүгэрдорж /Завхан/

Үзүүр бөхөөр улсын харцага Б.Цэдэнсодном/Өвөрхангай/

• 2020 оны бүх цэргийн наадам

Түрүү бөхөөр улсын начин Л.Отгонбаатар /Архангай/

Үзүүр бөхөөр улсын начин Э.Ууганбаяр /Төв/

• 2021 оны бүх цэргийн наадам

Түрүү бөхөөр улсын заан М.Лхагвагэрэл /Завхан/

Үзүүр бөхөөр улсын начин Э.Сумъяабат /Архангай/

• 2022 оны бүх цэргийн наадам

Түрүү бөхөөр улсын заан М.Лхагвагэрэл /Завхан/

Үзүүр бөхөөр цэргийн заан Ө.Батсуурь /Архангай/

• 2023 оны бүх цэргийн наадам

Түрүү бөхөөр цэргийн арслан Б.Өлзийсайхан /Өвөрхангай/

Үзүүр бөхөөр цэргийн заан Х.Наранбаяр /Сэлэнгэ/