Дулааны улирал эхэлсэнтэй холбоотойгоор зам засварын ажлууд үргэлжилж буй. Хотын төвийн зам засварын ажлыг богино хугацаанд хийж, цөөн хоног замын хөдөлгөөнийг хязгаарлаж байгаа ч иргэд ачаалалтай цагуудад тэг зогсолт үүсч байгаад бухимдалтай байна. Тухайлбал, өнөөдөр /2024.05.29/ Сүхбаатар, Чингэлтэй дүүргийн нутаг дэвсгэр бага тойруу, хүнсний 4-ийн уулзвараас эхлэн зам хаасантай холбоотой ойролцоох замуудад түгжрэл үүсчээ.

Замын хөдөлгөөний удирдлагын төвөөс, тэг зогсолт үүссэн байршил байхгүй. Зарим байршилд зам засвартай холбоотойгоор хөдөлгөөн хэсэгчлэн хязгаарласан.

Хөдөлгөөн хязгаарлах мэдээллийг урьдчилж өгч байгаа гэсэн юм.

Харин иргэдийн зүгээс сургууль, цэцэрлэг амрахаар зам засвар хийх нь зүйтэй гэдгийг цахим хуудастаа бичжээ.