Мьянмарын мөргөлдөөнтэй Ракхайн мужид хүчирхийлэл нэмэгдэж байна. Үүнээс болж 45 мянган Рохинжа үндэстэн дүрвэсэн гэж НҮБ анхаарууллаа. Учир нь зэвсэгт этгээдүүд энгийн иргэдийн толгойг нь тасдаж, хөнөөж, эд хөрөнгийг нь шатааж байгаа аж.

Араканы арми гэх босогчид өнгөрсөн арваннэгдүгээр сард эрх баригч цэргийн засгийн газрын хүчин рүү дайрснаас хойш Ракхайн мужид мөргөлдөөн болжээ. Мьянмарт 2021 онд цэргийн эргэлт гарснаас хойш байгуулсан гал зогсоох хэлэлцээр дуусгавар болсон. Тулалдааны гол хохирогчид нь лалын цөөнхийн бүлэглэл болж хувирав. Буддын шашинт оршин суугчдын дийлэнх нь тэднийр гадны хүмүүс гэж үздэг.

Араканы арми нь Ракхайн үндэстний хүн ам илүү бие даасан байдлын төлөө тэмцэж байна гэж мэдэгдэв. Гэвч сая гаруй рохинжачууд хөрш Бангладешт орогнож байна. НҮБ-ын эрхийн албаны хэвлэлийн төлөөлөгч Элизабет Тросселл Женевт сэтгүүлчдэд хэлэхдээ, Бутидаунг болон Маунгдау тосгонд болсон мөргөлдөөний улмаас хэдэн арван мянган энгийн иргэд дүрвэсэн гэжээ. Мөн эрхийн асуудал эрхэлсэн төлөөлөгч Волкер Турк Бангладеш болон бусад улс орнуудыг "олон улсын хууль тогтоомжийн дагуу иргэдийг үр дүнтэй хамгаалалтаар хангах, Мьянмарт рохинжа дүрвэгсдийг хүлээн авах тал дээр Бангладештай олон улсын эв нэгдлийг хангахыг" уриалж байна.

Эх сурвалж:Aljazeera