Ньюс хөтөч: Онцгой байдлын албаныхан үзүүлэх тоглолт хийнэ

Ньюс хөтөч өнөөдөр/2024.05.16/ болох үйл явдлыг товчоор хүргэж байна.

10.00 цагт: Төрийн ордонд Шинжлэх ухааны ажилтнуудын II их хурал болно.
11.30-13.00 цагт: Сүхбаатарын талбайд Онцгой байдлын байгууллагын 20 жилийн ойд зориулсан “Алба сурталчлах өдөрлөг”, албан хаагчдын үзүүлэх тоглолт болно.
11.00 цагт: Хүний эрхийн үндэсний комисст Төлөөлөн нэхэмжлэл гаргах замаар хохирогчдын хохирол барагдуулах талаар мэдээлэл хийнэ.
11.30 цагт: “ШИНЭ” намаас төр, засагт шаардлага хүргүүлнэ.
11.00 цагт: Зууны мэдээ үндэсний мэдээллийн төвд Ардчилсан намын дэргэдэх Хүний эрхийн хорооноос УИХ-ын сонгуульд нэр дэвшигчдийг тодруулахад анхаарах талаар бусад нам, эвсэлд шаардлага, уриалга хүргэнэ.
11.30 цагт: Эрх чөлөөг хэрэгжүүлэгч намаас зарим улс төрийн намуудын сонгуулийн эрхийг цуцлах шаардлага үүссэн талаар мэдээлэл хийнэ.