Байдены засаг захиргаа Израиль руу нэг тэрбум гаруй ам.долларын зэвсэг, сум илгээнэ гэж Конгрессын гурван туслах Мягмар гаригт мэдэгдэв. Зэвсгийг хэр хугацааны дараа өгөх нь тодорхойгүй байна. АНУ жил бүр гэрээний дагуу Израиль руу 3.5 мянган тэсрэх бөмбөг бүхий зэвсэг шилжүүлдэг байсан. Гэхдээ Газын зурваст АНУ-ын илгээсэн зэвсэг ашиглагдаж байна гэх үндэслэлээр гэрээгээ энэ сард цуцалсан боловч энэ удаад ил тодоор тусламж үзүүлэх болжээ.

Эх сурвалжуудын мэдээлснээр, 700  сая ам.доллар бүхий танкны сум, 500 сая ам.долларын тактикийн машин, 60 сая ам.долларын миномёт сумыг Израильд өгнө. Одоогийн байдлаар засгийн газар хэрхэн шилжүүлж, санхүүжилтээ яаж гаргах талаар ярилцаж байгаа бололтой. Мөн өнгөрсөн сард Конгресс тусламжийг баталж, Байден гарын үсэг зурсан ба 61 тэрбум ам.долларын тусламжийн багцад багтаагүй болно.

Уг мэдэгдэл гарсны дараа Байдены засаг захиргаа шүүмжлэлд өртөөд байна. Ерөнхийлөгчийн сонгууль ойртож буй энэ үед Байден боломжтой байгаа үедээ дайныг санхүүжүүлэх гэж оролдож байна гэж ажиглагчид буруутгав. Газын зурваст долоон сарын сарын турш үргэлжилж буй дайнд 34 мянган энгийн иргэн амиа алдсан үед Израильд туслалцаа үзүүлж буй нь хүний ёсноос гажууд шийдвэр гэж тодорхойлжээ. Мөн Ойрхи-Дорнодын бусад холбоотон улсуудтай дипломат харилцаагаа ганхуулах гэж оролдож буйн илрэл байж магадгүй гэж Бүгд Найрамдах намын гишүүд мэтгэлцэж байна.

Олон нийтийн шүүмжлэлийг үл харгалзан Байдены засаг захиргаа нэг удаагийн тэсрэх бөмбөг тээвэрлэлтээ зогсоосон ч бусад зэвсгийг нийлүүлсэн хэвээр байхаар болжээ. Үндэсний аюулгүй байдлын төлөөлөгч Жон Кирби "Израиль бүх дайсныхаа эсрэг, тэр дундаа Хамас бүлэглэлийн эсрэг өөрийгөө хамгаалахад шаардлагатай бүх цэргийн хэрэгсэлтэй байхад Байден тусална. Тэр Израильд шаардлагатай бүх чадавхыг үргэлжлүүлэн өгөх болно. Гэхдээ тодорхой төрлийн зэвсгийг хурцадмал байдалд орсон газар ашиглахыг хүсэхгүй байна" гэж мэдэгджээ.

Эх сурвалж: ABC News