"HLTV"-ийн зүгээс "CS2"-ийн дэлхийн чансааг шинэчлэн гаргажээ. Урьдын адил "FaZe" дэлхийн чансааг тэргүүлсэн хэвээр үлдэв. Тэд "ESL Pro League"-ийн 19 дэх улирлын шигшээ шатанд 5-8 дугаар байр эзэлснийг эс тооцвол сүүлийн оролцсон тэмцээн бүртээ финалд үлдсэн.

Тэгвэл дэлхийн чансааны аман хүзүүд "MOUZ" орж ирлээ. "ESL Pro League"-ийн 19 дэх улирлын аварга тэд өмнөх чансаагаар гуравдугаарт бичигдэж байсан юм. Мөн "Vitality" гурван байр урагшилж, гуравдугаарт бичигдэж эхлэв.

Мэйжорын аварга Украины "Natus Vincere" хоёр байр ухарч, дөрөвдүгээрт, "G2" тавдугаар байрандаа үлджээ.

Харин Монголын "The MongolZ" баг Мэйжор болон "ESL Pro League"-ийн 19 дэх улиралд үзүүлсэн сайн тоглолтынхоо ачаар зургаан байр урагшилж, дэлхийн чансааны 12 дугаар байрт бичигдэж эхэллээ. Энэ нь "The MongolZ"-ийн дэлхийн чансааны хамгийн өндөр байр болж байна. Тэднээс гадна Австралийн "FlyQuest" зургаан байр урагшилж, 14 дүгээр байранд бичигдэж эхэлжээ. Тус багийн дасгалжуулагч нь Г.Эрдэнэцогт буюу "erkasSt" билээ.

Шинэчлэгдсэн чансаагаар хамгийн олон байр ухарсан багаар "ENCE" тодорчээ. Тэд найман байр ухарч, 22 дугаарт бичигдэж байна.