Нийслэлийн Онцгой байдлын газарт өчигдөр гал түймрийн таван дуудлага иржээ. Тухайлбал,
-Сонгинохайрхан дүүргийн 12 дугаар хороо, нэгдүгээр хорооллын нэгдүгээр байрны ар талын автозам дээр иргэн Б-ийн “Мазда-929” загварын суудлын автомашины хөдөлгүүрийн хэсэг шатаж байсныг,
-Баянзүрх дүүргийн тавдугаар хороо, 15 дугаар хороолол, Кино урлагийн дээд сургуулийн хашаан дотор 3х5 метрийн хэмжээтэй байшингийн дээвэр, хана, таазны хэсэг шатаж байсныг,
-Сүхбаатар дүүргийн 11 дүгээр хороо, Зүүнсэлбийн долдугаар гудамжинд мужааны цехийн 16х12 метрийн хэмжээтэй байшингийн дээврийн хэсэг шатаж байсныг тус тус унтраажээ.
П.Наран