Нийслэлийн Хан-Уул дүүрэг, Энхтайвны гүүр тодруулбал, Наадам центр орчимд өнөөдөр /2024.05.05/ 10.10 цагийн орчимд суудлын жижиг тэрэг шатсан байна. Хэргийн газарт Гал унтраах 14 дүгээр анги очиж ажиллажээ. Албаны хүний тодотгосноор "Зайсангаас Энхтайвны гүүр орчимд руу зорчиж явах үед иргэн Н-ийн автомашин шатлаа гэсэн дуудлага ирж, бие бүрэлдэхүүн ажиллаж галыг унтраасан. Хүн бэртэж, гэмтсэн асуудал байхгүй" гэлээ. Автомашин шатсантай холбоотойгоор Энхтайвны гүүр орчмын хөдөлгөөнийг түр хаасан юм байна.

Мөн хэргийн газарт нийслэлийн Хан-Уул дүүргийн нэгдүгээр хэлтэс бүрэн бүрэлдэхүүнээрээ ажиллажээ.