Египетийн төрийн хэвлэлүүд Газын асуудлаарх гал зогсоох яриа хэлэлцээнд "мэдэгдэхүйц ахиц дэвшил гарсан" гэж мэдээлж байв. Энэ үеэр Хамас бүлэглэлийн төлөөлөгчид Бямба гаригт Каир хотод очжээ.

Гэвч Израиль төлөөлөгчдөө илгээгээгүй бөгөөд Израилийн өндөр албан тушаалтан Рафах руу довтлох амлалтаа онцолж, дайныг бүрэн зогсоох хэтийн төлөвийг үгүйсгэв.

Бараг долоон сар үргэлжилсэн дайныг зогсоох тохиролцоонд хүрэхийг олон улсын гишүүд шаардсаар байна. НҮБ-ын дээд албан тушаалтан Газын зурвасын хойд хэсэгт "бүрэн хэмжээний өлсгөлөн" болсон гэж мэдэгдсэн бол АНУ ойрын холбоотон Израилийг Египеттэй хиллэдэг  Рафах хот руу довтлохоор төлөвлөж байгаа талаар удаа дараа сэрэмжлүүлсэн байна.

Египет болон АНУ-ын зуучлагчид сүүлийн өдрүүдэд харилцан буулт хийх шинж тэмдэг илэрснийг мэдээлсэн. Гэвч Израиль Хамас зэвсэгт бүлэглэлийг устгах зорилтдоо хүрэхгүйгээр, дайныг зогсоохыг хүлээн зөвшөөрөх үү гэсэн асуулт анхаарах сэдэв хэвээр байна.  Египетийн төрийн өмчит “Al-Qahera News” телевизийн суваг олон маргаантай асуудлаар зөвшилцөлд хүрсэн гэж мэдэгдсэн боловч дэлгэрэнгүй мэдээлэл өгөөгүй байна. Хамас дайныг бүрэн зогсоож, Газын зурвасаас Израилийн бүх цэргийг гаргахыг уриалсан хэвээр байгаа.

Нэрээ нууцалсан Израилийн өндөр албан тушаалтан үргэлжилж буй хэлэлцээрийн талаар ярилцахдаа дайныг бүрэн дуусгах хэтийн төлөвийг үгүйсгэжээ.

Израиль Рафахын довтолгоог үргэлжлүүлэх ба барьцааны хүмүүсийг суллах хэлэлцээрийн хүрээнд дайныг түр зогсоохоос өөр  ямар ч тохиолдолд зөвшөөрөхгүй гэсэн байна.

Израилийн хэвлэл мэдээллийн хэрэгслүүд Засгийн газрын гишүүд Рафах руу дайралт хийхийг шаардаж байгаа тул хэлэлцээрийг зөвшөөрвөл засгийн газар нь заналхийлж болзошгүй гэж мэдэгджээ.
Египетийн зуучлагчид Хамасд тавьсан саналд "Нэн даруй зургаан долоо хоногийн хугацаатай гал зогсоох, Израилийн барьцаалагдсан хүмүүсийг хэсэгчлэн суллах, Израилийн цэргүүдийг цэргээ татах" зэрэг гурван үе шаттай үйл явцыг тусгасан байна. Эхний шат нь 40 хоног үргэлжилнэ.

Эх сурвалж: ASSOCIATED PRESS