Ирландын шилдэг их сургуулиудын нэг нь оюутны хотхон дахь эсэргүүцлийн жагсаалын улмаас оюутны үйлдвэрчний эвлэлд 214,000 еврогийн (183,000 фунт стерлинг) торгууль ногдуулжээ. Үүний дараа "оюутны байгууллагын эсрэг дайн зарласан" гэж ерөнхийлөгч мэдэгдэв. Дублин Тринити коллежийн (TCD) оюутнууд Газын зурвас дахь дайны эсрэг их сургуулийн хариу арга хэмжээ, сургалтын төлбөрийг нэмэлт, байрны зардлыг нэмэгдүүлэхийг эсэргүүцэж жагсаал хийжээ.

Оюутны холбооны ерөнхийлөгч Ласло Молнарфи “BBC News NI”-д өгсөн ярилцлагадаа "Энэ нь оюутны хөдөлгөөнийг айлган сүрдүүлэх, дарамтлах, заналхийлэх гэсэн  оролдлого юм" гэжээ.

“TCD” их сургуулийн кампус дээр байрлах “Book of Kells” жуулчдын сонирхлыг татахуйц газарт саяхан болсон эсэргүүцлийн үр дүнд орлогоо алдсан гэж сургуулийн захиргаа тайлбарласан ч эсэргүүцлийн эрхийг дэмжиж байгаа гэжээ. Оюутнууд Баасан гаригийн орой Тринити коллежийн кампус дээр "Палестинд зориулсан хуаран" байгуулсан. Тринити коллеж "зөвшөөрөлгүй бойкот хуаранг" дэмжихгүй гэдгээ мэдэгдэв.
"Тринити нь оюутнуудын эсэргүүцлийн жагсаал хийх эрхийг дэмжиж байгаа ч эсэргүүцлийн жагсаалыг их сургуулийн дүрмийн хүрээнд явуулах ёстой" гэж мэдэгдэлд дурдсан байна. Израилийн эсрэг соёл, эрдэм шинжилгээ, эдийн засгийн хориг арга хэмжээ авахыг дэмждэг Палестиныг дэмжигч хүчирхийллийн бус хөдөлгөөн болох “Boycott, Divestment and Sanctions”  хөдөлгөөн нь дэлхийн томоохон коллеж, их сургуулиудад өрнөсөөр байна.

Эх сурвалж: BBC