Ойрхи Дорнод дахь хурцадмал байдал улам нэмэгдвэл баррель газрын тосны үнийг 100 ам.доллараас давж, дэлхийн инфляцийн сүүлийн үеийн буурах хандлагыг эргүүлнэ гэж Дэлхийн банк мэдэгдэв. Вашингтонд төвтэй тус байгууллага сүүлийн үеийн түүхий эдийн үнийн уналт нь Иран, Израилийн пуужингийн цохилтоос өмнө ч жигдэрч, төв банкуудын хүүгийн шийдвэрийг улам чангаруулж байна гэж мэдэгдэв.

Гэхдээ энэ онд баррель нефтийн үнэ дунджаар 84 ам. доллар хүрнэ гэсэн таамаглал нь хэтэрхий эерэг мэдээ болж магадгүй. Хэрэв геополитик хурцадмал байдал даамжрах бол нефтийн үнэ улам хэлбэлзэх магадлалтай.

Санхүүгийн тайланд 2022 оны дунд үеэс 2023 оны дунд үе хүртэл дэлхийн зах зээл дээрх түүхий эдийн үнэ бараг 40 хувиар унажээ.  Энэ хугацаанд дэлхийн инфляци бараг хоёр хувиар буурах болсон. Дэлхийн банк 2023 оны дунд үеэс хойш түүхий эдийн үнийн индекс үндсэндээ өөрчлөгдөөгүй гэж мэдэгдэв. Санхүүгийн зах зээлүүд таамаглагдаж  байснаас илүү инфляцийн хариуд энэ онд зээлийн хүүг бууруулах цар хүрээ,  хүлээлтийг аль хэдийн бууруулаад байна.

Дэлхийн банкны ахлах эдийн засагч Индермит Гилл “Дэлхийн инфляци ялагдал хүлээгээгүй хэвээр байна. Инфляцийг бууруулах гол хүч болох түүхий эдийн үнийн уналт үндсэндээ хананд цохиулсан мэт унасан. Энэ нь хүүгийн түвшин энэ болон ирэх жил хүлээгдэж буй хэмжээнээс өндөр хэвээр байх болно гэсэн үг. Дэлхий нийт эмзэг мөчид байна. Жишээ нь эрчим хүчний томоохон шок нь сүүлийн хоёр жилийн инфляцийг бууруулахад гарсан ахиц дэвшлийн ихэнхийг алдагдуулж болзошгүй юм” гэжээ.

Ойрхи Дорнод дахь мөргөлдөөн хурцдадмал  байгаа нь байгалийн хий, бордоо, хүнсний бүтээгдэхүүний үнийг өсгөж болзошгүй гэж Дэлхийн банк мэдэгдэв. Шингэрүүлсэн байгалийн хийн (LNG) экспортын тавны нэг нь Ормузын хоолойгоор дамждаг бөгөөд хэрэв нийлүүлэлт тасалдвал үйлдвэрлэлдээ "LNG"-д тулгуурласан бордооны үнэ мэдэгдэхүйц өсөж, хүнсний бүтээгдэхүүний үнэ өсөх магадлалтай.

Хэрэв хямрал гүнзгийрэхгүй гэж үзвэл хүнсний нийт үнэ 2024 онд 6 хувиар, 2025 онд 4 хувиар буурах төлөвтэй байна.

Бордооны үнэ 2024 онд 22 хувиар, 2025 онд 6 хувиар буурах төлөвтэй байна. Ногоон технологид хөрөнгө оруулалт нэмэгдэж байгаа нь дэлхийн цэвэр эрчим хүчний шилжилтэд чухал ач холбогдолтой гол металлын үнийг өсгөсөн гэж Дэлхийн банк мэдэгдэв.

Эх сурвалж: GUARDIAN