Өнөөдөр /2024.04.26/ болох үйл явдлын хураангуйг хүргэж байна.

• 09:00 цагт: “Алтай дамнасан тогтвортой байдлын яриа хэлэлцээ” олон улсын чуулга уулзалт Төрийн ордонд үргэлжилнэ.
• 09:00-15:00 цагт: Монгол Улсад Ус цаг уурын алба үүсч хөгжсөний 100 жилийн ойн арга хэмжээ болно. "Ус цаг уур, орчны судалгаа-суперкомпьютер” эрдэм шинжилгээний хурал, 100 жилийн ойн баярын хурал болно. “Корпорэйт конвешн” төвд. Утас: 9090-5567.
• 10:00 цагт: УИХ-ын нэгдсэн чуулган хуралдана.
• 10:00-11:00 цагт: Үндэсний мэдээллийн МОНЦАМЭ агентлагийн мэдээллийн төвд Соёлын яам, Монголын Урчуудын Эвлэлийн хамтран зохион байгуулдаг “ULAANBAATAR ARTWEEK 2024”-ийн талаар мэдээлэх хэвлэлийн бага хурал болно. Утас: 11327474, 9924-1885.
• 11:00 цагт: Иргэдийн төлөөллөөс Зайсангийн нэг чигийн урсгалыг эсэргүүцэж буй талаар мэдээлэл хийнэ. “ЗМ”-ний мэдээллийн төвд.
• 11:00 цагт: Засгийн газраас хэрэгжүүлж буй Шинэ хоршоо хөдөлгөөний нээлт UG arena-д болно. ЗГХЭГ-ын дарга Д.Амарбаясгалан, малчид, хоршооллын төлөөллийн хамт хэвлэлийн хурал хийнэ.
• 11:30 цагт: Оюуны өмчийг хамгаалж, үр шимийг хүртэх соёлын экспорт хийхэд туслах үйл ажиллагаа эхэлж буй талаар оюуны өмчийн зуучлалын “Art Exchange Hub” компани, хуульч Э.Болорчулуун, хөгжмийн зохиолч Д.Өлзий-Орших /Өөжгий/, СГЗ шог зураач С.Цогтбаяр, УГЗ хөгжмийн зохиолч Б.Долгион нар мэдээлнэ. Утас: 8011-0615. “ЗМ”-ний мэдээллийн төвд.
• 12:00 цагт:  Монголын зээлтэй иргэдийн холбооноос: Ипотекийн зээлийн шимтгэл 1 хувийг авах ёсгүй гэсэн шүүхийн шийдвэр гарсан байтал банкууд хэрэгжүүлэхгүй байгаа талаар мэдээлэл өгнө. “ЗМ”-ний мэдээллийн төвд.
• 14:00-17:00 цагт: СЕХ-нд Монголын Хуульчдын холбоо, СЕХ, Монголын Өмгөөлөгчдийн холбоо хамтран “УИХ-ын сонгуулийн эрх зүйн орчин, хууль хэрэглээ” сэдэвт сургалт зохион байгуулна.
• 17:00 цагт: АТГ-ын гадаа иргэдийн төлөөллөөс  "Рио тинто” компаниас авлига авсан байж болзошгүй УИХ-ын 21 гишүүнийг шалгуулах өргөдлийг"-иргэд хүлээлгэн өгөх талаар хэвлэлийн хурал хийнэ.
• УБТЗ ХНН-ийн 75 жлийн ойн өдөрлөг болно.