АНУ-ын Төлөөлөгчдийн танхим хоёр намын өргөн дэмжлэгтэйгээр,  Бүгд найрамдах намын эсэргүүцлийг үл харгалзан Украин, Израиль, Тайваньд үзүүлэх аюулгүй байдлын тусламж  95 тэрбум ам.долларын хууль тогтоомжийг баталжээ. Ардчилсан намын олонх уг тусламжийн багц хуулийг Сенатад хүргүүлсэн байна.

Ерөнхийлөгч Жо Байден,  Сенатын тэргүүн Митч МакКоннелл зэрэг удирдагчид Бүгд найрамдах намын Төлөөлөгчдийн танхимын дарга Майк Жонсоныг санал хураалт явуулахыг уриалж байв. Сенат ирэх долоо хоногт уг арга хэмжээг баталж, Байден  гарын үсэг зурах төлөвтэй байна.
Уг хуулийн төсөлд 61 тэрбум ам.долларыг Украинд, 26 тэрбум ам.долларыг Израильд, 9 тэрбум ам.долларыг хүмүүнлэгийн үйлс, 8 тэрбум ам.долларыг Тайвань зэрэг Ази Номхон далайн бүс нутгуудад хуваана.

Украины ерөнхийлөгч Владимир Зеленский талархал илэрхийлж,  “түүх зөв замаар” үлдэхээр хөдөлсөн гэж мэдэгдэв. Зеленский  "Өнөөдөр Конгрессын танхимаас баталсан АНУ-ын тусламжийн тухай хуулийн төсөл нь дайныг өргөжүүлэхээс сэргийлж, олон мянган хүний ​​амийг аварч, манай хоёр үндэстнийг хүчирхэгжүүлэхэд тусална" гэжээ.

Эх сурвалж: Aljazeera