Израиль Баасан гаригт Ираны Исфахан мужид пуужингаар довтолсон тухай бид өмнө нь мэдээлсэн. Тус муж нь хэд хэдэн цөмийн байгууламж, пуужингийн цогцолборуудтай.

Энэхүү халдлагад огт оролцоогүй гэдгээ АНУ-ын Төрийн нарийн бичгийн дарга Энтони Блинкен мэдэгджээ. "АНУ болон Их-7 бүлэг юунд төвлөрч байгаа вэ гэдгийг бидний мэдэгдэл, харилцан яриануудаас харж болно. Бид хямралыг намжаахын төлөө л ажиллаж байна" гэж тэр хэлжээ.

Дашрамд дурдахад, Ойрхи Дорнодод үүсээд буй нөхцөл байдалтай холбоотойгоор Германы "Lufthansa" агаарын тээврийн компани Тель-Авив руу хийх нислэгээ Бямба гаригийн өглөөг хүртэл цуцалжээ. Тус компани дөрөвдүгээр сарын 30 хүртэл Ираны агаарын орон зайг ашиглахгүй, Иракаар дамжих аж. Мөн Польшийн "LOT" агаарын тээврийн компани Тель-Авив, Бейрут руу хийх нислэгээ цуцаллаа.

Эх сурвалж: CNN