Францын Ерөнхийлөгч Эммануэль Макрон хэлэхдээ, еврей улс хэдэн арван жилийн турш агаарын довтолгооноос хамгаалах системээ хөгжүүлж, хөрөнгө оруулалт хийж байгаа тул Украинд яг ижил довтолгооноос хамгаалах өргөн сүлжээг байгуулах боломжгүй гэдгийг мэдэгджээ. Тэрбээр "Израиль сүүлийн хэдэн арван жилийн хугацаанд агаарын довтолгооноос хамгаалах сүлжээгээ хөгжүүлж, үүнд багагүй хугацаанд хөрөнгө оруулалт хийж байна. Украины бүх хэрэгцээг хангахуйц яг ижил системийг барих боломжгүй " гэж Брюссельд болсон ЕХ-ны дээд хэмжээний уулзалтын үеэр хэлэв.

Гэхдээ Киевт өөрийн нөөцөө хадгалахад нь туслалцаа үзүүлнэ гэдгээ онцолсон байна.

“NATO”-гийн гишүүн биш Израильд барууны орнууд тусалж байгаа шигээ Украинд тусалж чадахгүй байна гэж Зеленский дөрөвдүгээр сарын 15-нд мэдэгджээ. Тодруулбал, АНУ, Их Британи, Иордан зэрэг улсууд Израильд агаарын довтолгооноос хамгаалах систем  өгсөн ба уг чухал тусламжтай хослуулан Ираны довтолгоог амжилттай няцаасан юм. Довтолгооноос хамгаалах системыг Украин удаан хугацааны турш барууны орнуудаас хүсч байгаа ч АНУ-ын Конгресс түдгэлзүүлээд байгаа билээ.